मुंबई : कोरोना लढ्याला पाठिंबा देण्यासाठी कांदिवलीच्या पावनधाम जैन उपाश्रयाचे रुपांतर कोरोना रुग्णांच्या केअर सेंटरमध्ये करण्यात आले आहे. लक्षणे नसलेल्या किंवा अत्यंत कमी लक्षणे असलेल्या कोरोना रुग्णांवर येथे उपचार केले जातील.
भाविकांच्या प्रार्थनेसाठी सध्या धर्मस्थळे बंद असताना या धर्मस्थळांचा उपोयग कोरोना लढ्यासाठी करण्याची समाजाची ही कृती इतरांना आदर्श घालून देणारी आहे, अशी प्रतिक्रिया उत्तर मुंबई भाजप उपाध्यक्ष नीला सोनी यांनी व्यक्त केली. गुरुदेव श्री नम्रमुनी महाराज यांच्या प्रेरणेने व या उपाश्रयाचे विश्वस्त घाटकोपरचे आमदार पराग शहा यांच्या पाठिंब्याने या शांतीस्थळाचे रुपांतर आता कोरोनाविरुद्धच्या युद्धस्थळात झाले आहे. उत्तर मुंबईचे खासदार गोपाळ शेट्टी यांनी हे सेंटर उभारले आहे.
हे केंद्र एकावेळी साठ कोरोना रुग्णांवर उपचार करू शकते. यात महापालिकेच्या नियमांनुसार आवश्यक तेवढे डॉक्टर, नर्स व अन्य कर्मचारी असतील. येथे रुग्णांवर नेहमीचे औषधोपचार होतील, जरूर तर सलाईन-ऑक्सीजनही दिला जाईल. मात्र येथे आयसीयू तसेच व्हेंटीलेटर नसतील. रुग्णांना चहा-नाश्ता-जेवण आदी सर्व बाबी दिल्या जातील, असे पराग शहा यांनी सकाळ ला सांगितले.
आज सकाळी या केंद्राचे उद्घाटन झाले व सोमवारपासून ते सुरु होईल. राष्ट्रीय स्वयंसेवक संघाच्या निरामय फाऊंडेशनमार्फत हे केंद्र चालवले जाईल. येथे रुग्णांना दरदिवशी एक हजार रुपये आकारले जातील. मुंबईतील सरकारी तसेच खासगी कोरोना रुग्णालयांमधील खाटा संपत आल्याने आता अशा खासगी केंद्रांमुळे रुग्णांची व्यवस्था होऊ शकेल. अन्यत्र पंधरा ठिकाणी अशाच प्रकारे निरामय फाउंडेशनमार्फत अशी केंद्रे उभारली जातील. यात घाटकोपरची शाळा, जैन समाजाचे एक सभागृह आदींचा समावेश आहे, असेही शहा म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.