डोंबिवली : कोरोनाचा संसर्ग ज्येष्ठ नागरिकांनाही त्वरित होत असल्याचे वैद्यकीय क्षेत्रातून सांगण्यात आले. पुरेशी काळजी आणि वेळेवर उपचार मिळाल्यास कोरोनावर मात करणे सहज शक्य असल्याचे आपल्याला दिसत आहे. एवढेच नव्हे तर इच्छाशक्तीच्या बळावर अनेक ज्येष्ठ नागरिक एकदम ठणठणीत होऊन आपल्या घरी परतत असल्याचे चित्र आहे.
असेच एक उदाहरण डोबिंवलीत बघायला मिळाले. डोंबिवलीतील 92 वर्षीय आजींनी कोरोनावर मात करून त्या आपल्या घरी परतल्या आहे. यामुळे कोरोनाची भीती बाळगणाऱ्यांना या आजीबाईंनी एक सकारात्मक संदेश दिला आहे.
डोंबिवली पूर्वेच्या संत नामदेव पथ परिसरात राहणाऱ्या सुमती नार्वेकर या 92 वर्षांच्या आजीबाईंना 8 जून रोजी कोरोनाची लागण झाली होती. त्यांच्यावर डोंबिवलीजवळच्या निऑन हॉस्पिटलमध्ये 9 दिवस उपचार करण्यात आल्यानंतर 17 जून रोजी त्या पूर्णपणे बऱ्या झाल्या आणि त्यांना डिस्चार्ज देण्यात आला.
यावेळी हॉस्पिटलचे मुख्य डॉ. मिलिंद शिंदे आणि त्यांच्या सहकाऱ्यांनी आजीबाईंचा विशेष सत्कार करत त्यांना निरोप दिला. वय कितीही असले, तरी इच्छाशक्ती प्रबळ असली की कोरोनावर मात करता येते, हे या आजीबाईंनी दाखवून दिले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.