ठाकरे, कुटुंबातून पहिल्यांदाच विधानसभेत पोहचलेले आदित्य ठाकरे कॅबिनेट मंत्रिपदाची जबाबदारी स्वीकारणार आहे असं काही सूत्रांकडून सांगितलं जातंय. महसूल किंवा नगरविकास खातं आदित्य ठाकरे यांच्याकडे जाण्याची शक्यता आता वर्तवली जातेय.
आदित्य ठाकरे हे मुख्यमंत्री पदाचे दावेदार मानले जातायत. त्यांची शिवसेनेच्या विधिमंडळ पक्षनेतेपदी निव़ड होण्याची शक्यता होती. मात्र, शिवसेनेच्या विधिमंडळ पक्षनेतेपदी एकनाथ शिंदेंची तर पक्ष प्रतोदपदी सुनिल प्रभू यांची निवड करण्यात आलीय.
आदित्य ठाकरेंना विधीमंडळातील कामकाजाचा अनुभव नाही, त्यामुळं एकनाथ शिंदे आणि सुनिल प्रभू यांच्या नेतृत्वात ते फ्लोअर मॅनेजमेंटचे धडे गिरवणार आहे. दुसरं म्हणजे एक आमदार म्हणून ते विधान परिषदेत हजर राहू शकत नाहीत. याउलट मंत्री म्हणून ते विधान सभा आणि विधान परिषद हजेरी लावू शकतात.
शिवसेना मुख्यमंत्री पदासाठी आग्रही आहे. सेनेकडून आदित्य ठाकरे भावी मुख्यमंत्री म्हणून प्रोजक्टही करण्यात येतंय. मात्र आता त्यांची कॅबिनेट मंत्री पदावर बोळवण होण्याची शक्यता आहे. खरंच असं झालं तर राजकीय पटलावर शिवसेनेचा हा मोठा पराभव ठरेल.
Webtitle : aaditya thackeray will get cabinet minister post instead of CM post
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.