विरार,   नवरात्रोत्सव जवळ आल्याने पालघरमधील विविध ठिकाणी असलेल्या देवीच्या मंदिरांमध्ये तयारीला वेग आला आहे. पालघर जिल्ह्यातील डहाणूची महालक्ष्मी, केळव्याची शीतला देवी, जूचंद्रची चंडिका आणि विरारच्या जीवदानी देवी या ठिकाणी नवरात्रोत्सवाच्या तयारीला वेग आला आहे. कोरोनामुळे गेल्या सहा महिन्यांपासून देवस्थाने बंद असल्याने मंदिरे कधी उघडणार, या प्रतीक्षेत भाविक आहेत. नवरात्रमध्ये मंदिर उघडण्यास परवानगी मिळेल, अशी आशा देखील काही भाविकांनी बोलून दाखविली. मंदिर उघडण्याबाबत अद्यापही ठोस निर्णय झाला नसला तरी सर्वच देवस्थानांनी नवरात्रोत्सवाची तयारी मात्र सुरू केली आहे. 

तरच लोकल सुरू करणार; मुख्यमंत्री उद्धव ठाकरे यांचे संकेत

नवरात्रीमध्ये डहाणूची महालक्ष्मी, केळव्याची शीतला देवी, जूचंद्रची चंडिका माता या ठिकाणी भाविकांची गर्दी होत असते. विरारच्या पूर्वेला असलेल्या जीवदानी मंदिरात तर नऊ दिवस लाखो भाविक दर्शनासाठी येत असतात, तर दसऱ्या एकाच दिवशी लाखभर लोक दर्शनासाठी येतात; परंतु या वर्षी मात्र देवालये बंद असल्याने नवरात्रोत्सव मंदिरात ट्रस्टींच्या उपस्थितीत साजरा होणार असल्याचे चित्र आहे. 

दिवाळीनंतरही शाळा सुरू करणे अशक्‍यच; शिक्षण राज्यमंत्री बच्चू कडू यांची माहिती - 

नवरात्रोत्सवाच्या दृष्टीने मंदिर ट्रस्टने मंदिराची साफसफाई आणि रंगरंगोटीचे काम हाती घेतले आहे. सरकारने मंदिर उघडण्यास परवानगी दिली तरी सोशल डिटन्सिंग, सॅनिटायझेशन आदी नियमांची अंमलबजावणी कठोर पद्धतीने करण्यात येईल. 
                -पंकज ठाकूर, उपाध्यक्ष, जीवनदानी मंदिर ट्रस्ट 

( संपादन ः रोशन मोरे)

 Accelerate the preparations for Navratri in Palghar