मुंबई - मर्चंट नेव्हीमध्ये नोकरी देण्याच्या बहाण्याने फसवणूक केल्याप्रकरणी आंबोली पोलिसांनी 26 वर्षीय तरुणाला अटक केली आहे.

शुभम पितांबरलाल गुप्ता असे आरोपीचे नाव असून त्याला उत्तर प्रदेशातील कानपूर येथील राहत्या घरातून अटक करण्यात आली आहे. आरोपीने मर्चंट नेव्हीमध्ये नोकरी देण्याच्या बहाण्याने फसवणूक केल्याचे पोलिसांनी सांगितले.

आरोपी शुभम गुप्ताने फेसबुकवर व्ही आर मरीन या नावाने बनावट खाते तयार केले आणि त्या बनावट खात्याचा वापर करत देशभरातील 50 ते 60 नागरिकांची मर्चंट नेव्हीमध्ये नोकरी देण्याचे आमिष दाखवून आर्थिक फसवणूक केली.

फसवणूक झालेल्या व्यक्तीने मुंबईच्या आंबोली पोलीस ठाण्यात ऑगस्ट 2022 मध्ये गुन्हा दाखल करण्यात आला होता. आंबोली पोलिसांनी पथक नेमून तपास सुरू झाला.

आरोपीने तयार केलेल्या फेसबूक खात्याचे तांत्रिक विश्लेषणाच्या आधारे उत्तर प्रदेशच्या कानपूरमध्ये आरोपीचा शोध लागला. त्वरित पोलीसांचे एक पथक कानपुरला पोहोचले.

स्थानिक पोलिसांच्या मदतीने आरोपी शुभम गुप्ताला त अटक करून ट्रान्झिट रिमांडवर मुंबईतील स्थानिक न्यायालयात हजर करण्यात आले. न्यायालयाने त्याला पोलीस कोठडी सुनावली, असल्याची माहिती मिळत आहे.

पोलिसांनी केलेल्या चौकशीत आरोपीने गुन्ह्याची कबुली दिली असून देशभरातील 50 हून अधिक नागरिकांची फसवणूक केल्याचे उघड झाले आहे.