ठाणे : राज्य शासनाने टाळेबंदी शिथिल करत सर्व व्यवहार पूर्वपदावर आणण्यासाठी बाजारपेठा, व्यापारी संकुले आणि मॉल खुले करण्यास परवानगी दिली आहे; मात्र अद्याप राज्यातील एक पडदा चित्रपटगृह उघडण्यास परवानगी देण्यात आली नाही. त्यामुळे एक पडदा चित्रपटगृहांच्या मालकांवर कर्जबाजारी होण्याची वेळ आली आहे. त्यामुळे लवकरात लवकर एक पडदा चित्रपटगृह सुरू करण्यास परवानगी मिळावी यासाठी ठाण्यातील चित्रपटगृह मालकांनी बुधवारी आंदोलन करीत चित्रपटगृहे खुली करण्याची मागणी केली.
आर्थिक कोंडीमुळे मुंबईतील ताडदेव गंगा-जमुना आणि गीरगाव येथील सेंटर प्लाझा या एक पडदा चित्रपटगृहाच्या मालकांवर चित्रपटगृह बंद करण्याची वेळ ओढवली आहे. जून महिन्यापासून राज्य सरकारने टाळेबंदीमध्ये शिथिलता देण्यास सुरुवात केली असून सध्या टाळेबंदी शिथिलतेचा चौथा टप्पा सुरू झाला आहे. कोरोनामुळे ठप्प झालेली अर्थव्यवस्था रुळावर आणण्यासाठी राज्य सरकारने बाजारपेठा, व्यापारी संकुले आणि मॉल खुले करण्यास परवानगी दिली आहे; मात्र एक पडदा चित्रपटगृह खुले करण्यास आद्याप परवानगी दिलेली नाही.
त्यामुळे ठाण्यातील एक पडदा चित्रपटगृहाच्या मालकांनी एकत्र येत बुधवारी आंदोलन केले. या वेळी चित्रपटांचे पोस्टर, नावे आणि चित्रपटातील काही संवाद वापरून आकर्षक फलक तयार केले होते. चित्रपटगृह खुली करण्याच्या मागणीकडे राज्य सरकारचे लक्ष वेधण्यासाठी हे फलक दाखवून आनोख्या पद्धतीने आंदोलन केले. या वेळी त्यांनी "आमची चूल पेटू द्या' अशा घोषणा देण्यात आल्या.
------------------------
(संपादन : गोरक्षनाथ ठाकरे)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.