तुर्भे : झोपडपट्टी भागात कोरोनाबाधित रुग्णांना नेण्यासाठी येणारी रुग्णवाहिका नियोजित वेळेत येत नाही. याशिवाय रुग्णवाहिका मुख्य रस्त्यावर आणली जात असल्यामुळे कोरोना संक्रमण होण्याची शक्यता आहे. त्यामुळे कोरोनाबाधितांना नेण्यासाठी येणारी रुग्णवाहिका वेळेत यावी व बाधितांना त्यांच्या घरातून न्यावे, अशी मागणी नागरिकांकडून करण्यात येत आहे.

हे वाचलत का : वानखेडे स्टेडियम क्वारंटाईन सेंटर होणार नाही ? .संजय राऊतांच्या 'त्या' ट्विटला आदित्य ठाकरेंनी दिलं उत्तर..

नागरिकांनी कोरोनाची तपासणी केल्यानंतर एखाद्या रुग्ण पॉझिटिव्ह आल्यास आरोग्य विभागाकडून तो रुग्ण पॉझिटिव्ह असल्याचे कळवण्यात येते; मात्र झोपडपट्टी विभागात रस्ते अरुंद असल्याने संबंधित व्यक्तीला मुख्य रस्त्यावर येण्यास सांगितले जाते. कोरोनाग्रस्त रस्त्यावर आल्यावर आरोग्य विभागाची रुग्णवाहिका नियोजित वेळेत येत नाही. या वेळेत कोरोनाचा फैलाव होण्याची दाट शक्यता आहे.  

नक्की वाचा : 'बायको-मुलांसमोर दारू पिऊ कशी ?' घरपोच दारूचा पर्याय मिळाला मात्र  मद्यप्रेमींची घालमेल सुरू.. 

तुर्भे झोपडपट्टीत मोठ्या प्रमाणात कोरोनाचा प्रसार झाला आहे. त्यामध्ये एखादा रुग्ण पॉझिटिव्ह आढळला तर त्याला नेण्यास रुग्णवाहिका मुख्य रस्त्यावर येते. ती वेळेत येत नसल्याने मोठी समस्या उभी राहिली आहे. यामुळे कोरोनाचा फैलाव मोठ्या प्रमाणात होत आहे.
- गोविंद साळुंखे, नागरिक,तुर्भे

Ambulance delays in the care of corona positive patients, also a climate of fear in the area