मुंबई : शिवसेनेचे नेते अनिल परब यांनी भाजपचे नेते नारायण राणे यांच्यावर टीकास्त्र डागलं आहे. गेल्या काही काळात नारायण राणे यांनी वारंवार शिवसेनेवर टीका केलीये, शिवसेनेवर निशाणा साधलाय. यावर महाविकास आघाडी नेते आणि परिवहन मंत्री अनिल परब यांनी नारायण राणे यांना खडेबोल सुनावले आहेत. 

महत्त्वाची बातमी : अत्यंत महत्त्वाचं निरीक्षण, मुंबईमध्ये कोरोनामुळे झालेल्या मृत्यूंमध्ये अतिजोखमीचे आजार असलेले रुग्ण सर्वाधिक

महाविकास आघाडी सरकारने गेल्या एका वर्षभरात चांगलं काम केलं आहे. त्यामुळे आम्हाला नारायण राणे यांच्याकडून आमच्या कामाचे प्रमाणपत्र घेण्याची गरज नाही. नारायण राणे वैफल्यग्रस्त झालेले आहेत. महाविकास आघाडीमुळे विरोधीपक्षातील नेते निराश झाले आहेत. त्यामुळे विरोधकांना टीका करण्याशिवाय काहीही काम उरलेलं नाही, असंही त्यांनी सांगितलंय.  

यावेळी बोलताना अनिल परब यांनी शेतकरी कर्जमाफी, मराठा आरक्षण आणि मेट्रो कारशेडबाबत देखील वक्तव्य केलं आहे. सरकारने सुरवातीलाच शेतकऱ्यांना कर्जमाफी दिली. त्यांनतर मेट्रोबाबत देखील घेतलेला निर्णय विचार आणि योग्य अभ्यास करूनच घेतलेला आहे, त्यामुळे कुठलीही अडचण येणार नाही असंही अनिल परब म्हणालेत. 

महत्त्वाची बातमी :  जागा ठरली ! तुम्हाला दिली जाणारी कोरोनाची लस मुंबईत 'इथे' साठवली जाणार

सरकार मराठा आरक्षणाचा विषय अत्यंत जोरकसपणे मांडत आहे. आरक्षण टिकावे म्हणून सरकारकडून चर्चा सुरु आहे. दरम्यान कुणाच्याही आरक्षणाला धक्का न लावता आरक्षण दिले जाईल असेही ऍडव्होकेट अनिल परब म्हणालेत. 

anil parab targets narayan rane says opposition have nothing to say except criticism