नवी मुंबई : सिडकोच्या 2018 मधील गृहनिर्माण योजनेतील विजेत्यांना घरांचे हप्ते भरण्यास सिडको महामंडळाने 28 डिसेंबर 2020 पर्यंत मुदतवाढ देण्याचा महत्त्वपूर्ण निर्णय घेतला आहे. त्यामुळे सुमारे 2 हजार कुटुंबांना त्यांचे घराचे स्वप्न पूर्ण करण्याची पुन्हा संधी मिळाली आहे. कोरोना आणि त्या अनुषंगाने सुरू असलेल्या टाळेबंदीच्या पार्श्‍वभूमीवर हा निर्णय घेण्यात आला आहे. 

हे वाचा : पहिलं पोस्ट कोव्हिड सेंटर ठाण्यात 

कोरोनामुळे विजेत्यांना सदनिकांचे हप्ते भरण्यास सुरुवातीला 30 जून 2020 आणि त्यानंतर 29 सप्टेंबर 2020 पर्यंत मुदतवाढ देण्यात आली होती. आता पुन्हा संधी देतानाच सिडकोतर्फे अर्जदारांना 28 डिसेंबर 2020 पर्यंत मुदत देण्यात आली आहे. त्यामुळे सुमारे दोन हजार विजेत्यांना घराचे स्वप्न पूर्ण करता येणार आहे. 

हे वाचा : 33 किलो ड्रग्जसह दोघांना वसईमधून अटक 

या मुदतवाढीच्या निर्णयानुसार ज्या अर्जदारांनी वाटपपत्रात नमूद एक ते चार हप्त्यांपैकी कोणत्याही हप्त्याची रक्कम भरली असेल, त्यांना ही मुदतवाढ देण्यात आली आहे. टाळेबंदीच्या सुरुवातीपासून 24 मार्च 2020 ते 28 डिसेंबर 2020 पर्यंत विलंब शुल्क माफ करण्यात आले आहे. 
...