नेरळ : कर्जत शहरात सोमवारी (ता. 15) एका महिलेचा कोरोना तपासणी अहवाल पॉझिटिव्ह आला असून पोशिर गावातील 39 वर्षीय तरुणाचा कोरोनाने बळी घेतला आहे. दरम्यान, कर्जत तालुक्यातील कोरोना रुग्णांची संख्या 47 झाली असून त्यात सहा जणांचे बळी गेले आहेत.

मोठी बातमीः सुशांतचा पोस्टमार्टम रिपोर्ट सांगतो की....

सावळे गावातील मारामारी प्रकरणी अटक असलेल्या आरोपीच्या संपर्कात आल्याने 32 वर्षीय पोलीस कर्मचाऱ्यास कोरोना झाला होता. त्यानंतर त्यांच्या 25 वर्षीय पत्नीचे अहवाल पॉझिटिव्ह आले आहेत. आरोपी तरुणामुळे कर्जत शहरात दोन पोलीस कर्मचारी, एक पोलीस अधिकारी आणि एका पोलिसाची पत्नी अशा चार जणांना कोरोनाचा संसर्ग झाला आहे. त्यामुळे कर्जतमधील डेक्कन जिमखाना, ज्ञानदीप सोसायटी आणि डी मार्ट परिसर हे कन्टेन्मेंट झोन बनले आहेत.कर्जत तालुक्यातील कर्जत, माथेरान आणि नेरळ या शहरी भागाबरोबर ग्रामीण भागातील गावात कोरोना पोहोचला आहे.

महत्वाची बातमी : अखेर लोकल ट्रेन धावली! पण केवळ मर्यादित प्रवाशांसाठी, 'या' आहेत अटी

कर्जत तालुक्यातील कोरोनाने बळी गेलेल्यांची संख्या 6 वर पोहचली आहे. त्यात पिंपळोली येथील 43 वर्षीय तरुण, धामोते विद्या भवन शाळेसमोरील फार्म हाऊसमधील 64 वर्षीय महिला, कर्जत सुयोगनगर येथील 63 वर्षीय महिला, वैजनाथ येथील 31 वर्षीय विवाहित, कोल्हारे येथील 7 वर्षाचा मुलगा आणि पोशिर गावतील 39 वर्षीय तरुण यांचा कोरोनाने मृत्यू झाला आहे.

Another youth died of corona in Karjat, 49 positive in the karjat