खालापूर : खालापुरातील खरसुंडी शाळेतील शिक्षकाला चारजणांनी शाळेतच लाथाबुक्क्यांनी मारहाण केल्याची घटना घडली आहे. या प्रकरणी खालापूर पोलिसांनी ॲट्रॉसिटी कायद्यांतर्गत गुन्हा दाखल केला आहे.
रमेश नामदेव देवरूखकर (वय ३७, रा. निळजे, डोंबविली) असे मारहाण झालेल्या शिक्षकाचे नाव आहे. याप्रकरणी चौघांवर ॲट्रॉसिटी कायद्यांतर्गत गुन्हा दाखल केला आहे.
खरसुंडी येथील दत्तात्रय शिवराम जाधव माध्यमिक शाळेत रमेश शिक्षक आहेत. सोमवारी (ता. १२) शाळा सुरू असताना चार अज्ञात व्यक्तींनी रमेश यांना शिवीगाळ करण्यास सुरुवात केली.
रमेश यांना धक्का मारत विद्यार्थ्यांसमोर दमदाटी करत लाथा-बुक्क्यांनी जबर मारहाण केली. घाबरलेल्या शिक्षक रमेश यांनी खालापूर पोलिस ठाणे गाठत चौघा अज्ञातांविरोधात तक्रार दिली आहे. रमेश यांनी तक्रारीत चौघांनी तो अनुसूचित जाती-जमातीचा आहे हे माहिती असूनदेखील जाणीवपूर्वक अपमान करत जबर मारहाण केल्याची तक्रार दिल्यानंतर खालापूर पोलिसांनी ॲट्रॉसिटी कायद्यांतर्गत गुन्हा दाखल केला आहे.
web title : Atrocity on four persons beating teacher
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.