मुंबई - राज्यात कोरोनाची परिस्थिती असतानाही गुन्हेगारी कमी होण्याचं नाव घेत नाही. लॉकडाऊननंतर मुंबईतील गुन्हेगारीत पुन्हा वाढ होताना दिसत आहे. अनेक चित्रपट आणि मालिकांमध्ये काम केलेली अभिनेत्री मालवी मल्होत्रावर जीवघेणा हल्ला झाला आहे.
मुंबईत गुन्हेगारीच्या घटनांनी पुन्हा तोंड वर काढले असून, अनेक टीव्ही मालिका आणि चित्रपटांमध्ये काम करणाऱी अभिनेत्री मालवी मल्होत्रावर जीवघेणा हल्ला करण्यात आला आहे. या हल्ल्यात मालवी जबर जखमी झाली आहे. तिच्यावर मुंबईतल्या कोकीलाबेन अंबानी रुग्णालयात उपचार सुरू आहेत. मालवीवर तिच्याच जवळच्या मित्राने हल्ला केल्याची माहिती समोर आली आहे. या मित्राने तिला लग्नाची मागणी घातली होती. परंतु तिने त्यास नकार दिला होता. नुकतीच मालवी दुबई येथे शुटला गेली होती. तेथून ती परतली. आणि मंगळवारी लोखंडवाला परिसरात योगेश सिंग या तिच्या मित्राने तिला चाकूने भोसकले.
दरम्यान, अभिनेत्री मालवी वर झालेल्या हल्ल्याप्रकरणी वार्सोवा पोलिसांनी गुन्हा दाखल केला आहे. आरोपी अद्याप फरार असल्याची माहिती मिळत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.