मुंबई : सुशांत सिंग राजपुत आत्महत्येप्रकरणी पोलिसांनी तपासाला सुरुवात केली आहे. सुरुवातीला काही जणांचे जबाब नोंदवल्यानंतर आज पुन्हा या प्रकरणी तपास करण्यात आला. तसेच पोलिसांनी सुशांतच्या घरातून काही वस्तूही जप्त केल्या.
पोलिसांनी मंगळवारी सुशांतचे वडील व दोन बहिणी, कास्टिंग दिग्दर्शक मुकेश छाब्रा, नोकर अशा 10 जणांचा जबाब नोंदवला. याप्रकरणी पोलिसांनी सुशांतच्या घरातून पाच डायऱ्याही हस्तगत केल्या असून त्यांची तपासणी सुरू असल्याचे सूत्रांनी सांगितले.
रविवारी (ता.14) सुशांत सकाळी साडेसहा वाजता उठला. 9 वाजता त्याने ज्यूस पिऊन साडेनऊच्या सुमारास बहिणीला दूरध्वनी केला होता. साडे दहाच्या सुमारास सुशांत पुन्हा त्याच्या खोलीत गेला तो बाहेर आलाच नाही. 11 च्या सुमारास त्याच्या नोकराने त्याला जेवणासाठी विचारले. मात्र त्याच्या खोलीतून कोणतेही प्रतिउत्तर आले नाही. 12 वाजले तरी सुशांत रुमबाहेर न आल्याने नोकर त्याला पुन्हा उठवायला गेला. मात्र तरी सुशांत खोलीतून कोणताही प्रतिसाद देत नसल्यामुळे नोकराने सुशांतसोबत राहणारा त्याचा मित्र सिद्धार्थ याला सांगितले.
सिद्धार्थ हा आर्टीस्ट आहे. त्याने सुशांतला फोन केले; मात्र सुशांत फोन ही घेत नव्हता. मग सिद्धार्थने त्याच्या गोरेगाव येथे राहणाऱ्या बहिणीला या घटनेची माहिती दिली. त्यानंतर त्याने चावीवाल्याला बोलावले. चावीवाल्याने बनावट चावीने दरवाजा उघडल्यानंतर सुशांतने गळफास घेतल्याचे निदर्शनास आले. त्यामुळे पोलिसांनी या प्रकरणात सुशांतची बहिण, 2 मॅनेजर, स्वयंपाकी, चावीवाला आणि त्याचा जवळचा मित्र महेश शेट्टी याच्याशी बोलून पोलिसांनी सर्व घटनाक्रम समजावून घेतला आहे. याशिवाय सुशांतच्या वडिलांनीही मानसिक तणावाचे कारण सुशांतने सांगितले नसल्याची माहिती पोलिसांना दिली आहे.
या प्रकरणी वांद्रे पोलिसांनी गुरुवारी सुशांतची मैत्रीण रिया चक्रवर्तीचा जबाब नोंदवला. दरम्यान पोलिसांनी सुशांतच्या घरातून पाच डायऱ्या ताब्यात घेतल्या असून त्याची तपासणी करण्यात येणार आहे. सुशांत सिंगप्रकरणी पोलिसांनी बुधवारी कास्टींग डायरेक्टरचा जबाब नोंदवला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.