मुंबई : कर्जबाजारी बेस्ट उपक्रम सामान्य वीज ग्राहकांकडून अवाजवी रकमेचे बिल वसूल करत असताना राज्यातील मंत्र्यांवर मेहरबान झाली आहे.  चार ते पाच महिन्यांपासून अनेक मंत्र्यांच्या शासकीय निवासस्थानांचे वीज बिलच बेस्टने पाठवले नसल्याची धक्कादायक माहिती समोर आली आहे.

मुंबईत कोरोनाचे थैमान थांबेना! गेल्या 24 तासात 2 हजारापेक्षा अधिक रुग्णांची भर; तर 44 जणांचा मृत्यू

कर्जबाजारी असलेली बेस्ट महापालिकेकडून मिळणा-या अनुदानावर तग धरुन आहे. त्यातच कोव्हिडच्या काळात वीज मिटरची पाहाणी न करताच बेस्ट अनेक ग्राहकांना हजारो- लाखो रुपयांची बिले पाठवली. मात्र, 15 मंत्र्यांसह 17 शासकिय बंगल्यांचे वीज बिलेच पाठवली नाहीत. माहिती अधिकार कार्यकर्ते अनिल गलगली यांनी माहितीच्या अधिकारा अंतर्गत ही माहिती मिळवली आहे. सार्वजनिक बांधकाम विभागाकडून त्यांनी ही माहिती मिळवली आहे.

तीन बड्या अभिनेत्रींच्या एनसीबी चौकशीबाबत आज दिवसभरात काय घडलं; एनसीबीला त्यांनी काय उत्तरे दिली?

यांच्या निवासस्थानांना पाच महिन्यांपसून बिल नाही 
दादा भुसे, के. सी. पाडवी, अमित देशमुख, हसन मुश्रीफ आणि संजय राठोड यांच्यासह विधानपरीषदेच्या उपसभापती डॉ.निलम गो-हे, मुख्यमंत्र्यांचे प्रधान सल्लागर अजोय मेहता

यांच्या निवासस्थानाला 4 महिन्यांपासून बिल नाही 
डॉ जितेंद्र आव्हाड, आदित्य ठाकरे, धनंजय मुंडे, विजय वडेट्टीवार, उदय सामंत, वर्षा गायकवाड, गुलाबराव पाटील, संदीप भुमरे, ॲड. अनिल परब

सामन्यांना वीज बिल भरण्याची सक्ती करणारी बेस्ट मंत्र्यांच्या निवासस्थानाची बिलही पाठवत नाहीत, या बद्दल  आश्चर्यही वाटते. 
- अनिल गलगली,
माहिती अधिकार कार्यकर्ते

--------------------------------------------

( संपादन - तुषार सोनवणे )