उरण : दुसऱ्याला सन्मान दिल्याने मोठेपणा वाढतो. त्यामुळे जनतेचा सन्मान करा. जनतेचा सन्मान न केल्यामुळे जिल्ह्यातून शेकाप हद्दपार होत आहे. स्थानिकांना न्याय मिळणे गरजेचे आहे, त्यासाठी भाजपच सक्षम आहे. सर्वांचा विकास करण्याचे भाजपचे ध्येय आहे. त्यामुळे लवकरच रायगड जिल्ह्याच्या विकासाचे स्वप्न पूर्ण होणार आहे, असे प्रतिपादन माजी खासदार रामशेठ ठाकूर यांनी केले. शनिवारी (ता. १५) उरणमधील भाजप आमदाराच्या विजयी मेळाव्यात ते बोलत होते.

सून आवडत नसल्‍यामुळे सासूकडून हत्‍या 

या वेळी पेणचे आमदार रवीशेठ पाटील, आमदार प्रशांत ठाकूर, महेश बालदी, तालुका महिला अध्यक्षा रत्नप्रभा घरत, जिल्हा प्रवक्‍ते वाय. टी. देशमुख, नगराध्यक्षा सायली म्हात्रे, तालुका अध्यक्ष रवींद्र भोईर, महिला शहराध्यक्षा संगीता पाटील, जिल्हा भाजप वाहतूक सेना अध्यक्ष सुधीर घरत, पनवेल तालुका अध्यक्ष अरुण भगत, नगरसेवक कौशिक शहा, विनोद साबळे, अविनाश कोळी, चंद्रकांत घरत, बापू घारे, प्रकाश पाटील, सुशीला घरत आदी उपस्थित होते.

ठाण्यातील ‘हा’ रस्‍ता ठरतोय मृत्‍यूचा सापळा 

या वेळी महेश बालदी यांनी सांगितले, की विकासाच्या मंत्रामुळे विजय झाला आहे. घारापुरीत गेली अनेक वर्षे वीज नव्हती, ते आणण्याचे काम भाजपच्या माध्यमातून केले आहे. तसेच शिवस्मारक उभारण्याचे आश्‍वासन पूर्ण केले. उरणमध्ये कोट्यवधींची कामे करण्यात आली आहेत. उरणमध्ये भाजपचा आमदार झाल्यामुळे शेकापचे स्वप्न भंगले आहे. विकासाचा मूलमंत्र बोलून विकासकामे केली आहेत. उरणपर्यंत रेल्वे येण्यासाठी जे अडथळे होते ते केंद्र सरकारकडे पाठपुरावा करून येणाऱ्या दीड वर्षात रेल्वे सेवा सुरू होणार आहे.

रायगडच्या जनतेने योग्य तो माणूस निवडून भाजपला पसंती दिली आहे. भाजप जातीपातीचे राजकारण करीत नसून विकासाच्या परिभाषेतून विजय मिळविते. 
- प्रशांत ठाकूर, आमदार, पनवेल