मुंबई: रुग्णांकडून भरमसाठ शुल्क आकारल्यामुळे माहीममधील खासगी रुग्णालयाचा परवाना निलंबित करण्याचा निर्णय आज मुंबई महापालिकेने मुंबई उच्च न्यायालयात मागे घेतला. त्यामुळे रुग्णालयाला तात्पुरता दिलासा मिळाला आहे.
स्कैडंट इमैजिंग लिमिटेड या कंपनीचे खासगी रुग्णालय असून तेथे कोविड19 वरही उपचार होतात. मात्र व्यवस्थापनाने जादा शुल्क वसूल केले अशा तक्रारी आल्या मुळे पालिकेने तडकाफडकी 30 जुलै रोजी रुग्णालयाचा परवाना एक महिन्यासाठी निलंबित केला. मात्र ही कारवाई नियमानुसार नसल्याचा दावा करत व्यवस्थापनाने न्यायालयात याचिका केली. न्या शाहरुख काथावाला यांच्या खंडपीठापुढे व्हिडीओ कौन्फरन्सिंगद्वारे यावर सुनावणी झाली. या सुनावणी मध्ये महापालिका आयुक्त ही सहभागी झाले होते. महापालिकेने नव्याने नोटीस बजावून नियमानुसार सुनावणीची कारवाई करावी, असे निर्देशही खंडपीठाने दिले. महापालिका प्रशासनाच्या मनमानी कारभाराबाबत तक्रारी आहेत, असे खंडपीठ म्हणाले.
-------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.