मुंबई

एकच नंबर! दहावीच्या निकालात मुंबई पालिका शाळांचं दमदार कमबॅक

पूजा विचारे

मुंबईः बुधवारी दहावीचा निकाल जाहीर झाला. या निकालात मुंबई महापालिकेच्या शाळांनी अभूतपूर्व कामगिरी केली आहे. बीएमसी शाळांच्या निकालात ४० टक्क्यांनी वाढ झाली आहे.  मुंबई महानगर पालिका शाळांचा दहावीचा निकाल ९३.२५ टक्के लागला असून आता पर्यंतचा हा सर्वाधिक निकाल आहे. गेल्या वर्षी हाच निकाल ५३.२५ टक्के होता. गेल्या सात वर्षांतील ही सर्वाधिक चांगली कामगिरी आहे. २१८ शाळांपैकी ७६ शाळांचा निकाल १०० टक्के लागला आहे. 

बीएमसीचे शिक्षणाधिकारी महेश पालकर यांनी २०१९ च्या बोर्ड परीक्षेनंतर सर्व २१८ माध्यमिक शाळांमध्ये ‘घाटला पॅटर्न’ आणला.  चेंबूरमधील घाटला पालिका शाळा, गेल्या वर्षी बीएमसी शाळेतील उत्कृष्ट कामगिरी करणारी एकमेव शाळा आहे. आम्ही प्रत्येक शाळेला २० टक्क्यांनी कामगिरी सुधारण्याचे लक्ष्य ठेवले असल्याचं पालकर म्हणाले.

पुढे ते म्हणाले, बीएमसीने ५० वर्षांखालील उत्तीर्ण शाळा ओळखल्या, ज्या बीट अधिकाऱ्यांनी (बीओ) त्यावर जास्त लक्ष दिलं. प्रत्येक शाळेत त्यांनी १० ते १५ टक्के गुण मिळविणाऱ्या गरीब कामगिरी करणाऱ्या विद्यार्थ्यांकडे विशेष लक्ष दिले. आम्ही त्यांच्यासाठी मार्गदर्शक पुस्तिका तयार केली आणि १० पूर्व परीक्षा परीक्षेची सिरीज पाठविली, त्यातून पाच खुल्या पुस्तक (Open Book Tests) चाचण्या घेतल्या, असं पालकर पुढे म्हणाले.

यापूर्वी २०१६ मध्ये ७७.२२ टक्के निकाल लागला होता. यंदा डॉ.बाबासाहेब आंबेडकर मुंबई पब्लिक सुकलमधील संजिवा संकु आणि विलेपार्ले मुंबई पब्लिक सुकलमधील महेक गांधी या दोन विद्यार्थ्यांनी 96 टक्के गुण मिळवून पहिला क्रमांक पटकावला आहे. प्रभादेवी पालिका शाळेतील हिना तुळसकर हीने ९५.४० टक्के गुण मिळवलेत. सांताक्रुझ पालिका उर्दू शाळेतील कुलसूम तारीक या विद्यार्थ्यांनीनं  ९४.६० टक्के गुण मिळवून पहिला क्रमांक पटकावला आहे. पालिका शाळेतील १३ हजार ६३७ विद्यार्थ्यांनी दहावीची परीक्षा दिली होती. त्यातील १२ हजार ७१६ विद्यार्थ्यी उत्तीर्ण झालेत. 

यंदा शाळा लवकर म्‍हणजे एप्रिलच्‍या पह‍िल्‍या आठवड्यात सुरु करण्‍यात आल्‍या होत्‍या. द‍िवाळी सुट्टी सुरु होण्‍यापूर्वी म्‍हणजे १५ ऑक्‍टोबरपूर्वीच संपूर्ण अभ्‍यासक्रम पूर्ण करण्‍यात आला. १० पूर्व परीक्षा घेण्‍यात आल्‍या. ज्‍यामध्‍ये ५ पुस्‍तकांसहीत तर ५ पुस्‍तकांश‍िवाय होत्‍या. प्रत्‍येक पूर्व परीक्षेनंतर पालक-शिक्षक यांच्‍या बैठका घेऊन विद्यार्थ्‍यांना मार्गदर्शन करण्‍यात आले. तज्ञ शिक्षकांचे अतिरिक्त व्याख्यानेही झालीत.  शिक्षक-विद्यार्थी यांचे व्‍हॉटसऍप ग्रुप तयार करुन त्‍यांच्‍या अडचणी वेळोवेळी सोडवण्‍यात आल्‍या. कमी गुण असलेल्‍या विद्यार्थ्‍यांसाठी विशेष वर्ग घेण्‍यात आले. या सर्व प्रयत्नांमुळे निकाल उंचावला असा दावा पालिकेनं केला.

BMC schools 93.25 per cent this year highest performance

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

World Heritage status: अभिमानाची बाब! शिवरायांच्या १२ किल्ल्यांचा युनेस्कोच्या यादीत समावेश

खरीप हंगामात ८१,००० शेतकऱ्यांना ११४० कोटींचे पीककर्ज! ६३ हजार ८४९ शेतकऱ्यांच्या १०३० कोटी रुपयांच्या पीककर्जाचे बॅंकांनी केले नवे-जुने

Latest Marathi News Updates: 'सीएम'पदासाठी भाजपात पक्ष विलिन करण्याची शिंदेंची तयारी - संजय राऊतांचा टोला!

IND vs ENG 3rd Test: रिषभ पंतने २५ मिनिटं नेट्समध्ये फलंदाजी केली, पण...! जाणून घ्या महत्त्वाचे अपडेट्स, Video

Pune ISIS sleeper cell: मोठी बातमी! पुणे ‘इसीस स्लीपर सेल मॉड्युल’ प्रकरणी अकरावी अटक; तीन लाखांचा होता इनाम!

SCROLL FOR NEXT