मुंबई : मुंबई महापालिकेच्या शाळांतील शिक्षणाचा फायदा राज्यातील सर्व शाळांना करून देण्याचा निर्णय शिक्षण विभागाने घेतला आहे. त्यानुसार राज्यातील अन्य शाळांतील पहिली ते दहावीपर्यंतच्या विद्यार्थ्यांना पालिकेच्या ऑनलाईन वर्गामध्ये प्रवेश घेण्याची मुभा दिली आहे.
महापालिकेच्या शाळांत राज्य मंडळाच्या मराठी, हिंदी, इंग्रजी व उर्दू या चार माध्यमांचे ऑनलाईन वर्ग सुरू आहेत. हे वर्ग प्रशिक्षित शिक्षकांमार्फत घेण्यात येतात. या वर्गामध्ये सहभागी होण्यासाठी विद्यार्थ्यांना पालिकेच्या संकेतस्थळावर नोंदणी करणे बंधनकारक आहे. त्यासाठी संकेतस्थळाच्या मुख्य पृष्ठावर ‘online admission from for MCGM school’ या लिंकवर अर्ज करावा. विद्यार्थ्यांचा ऑनलाईन अर्ज मंजूर झाल्यावर त्यांना ऑनलाईन वर्गात उपस्थित राहण्यासाठी लिंक व पासवर्ड देण्यात येते. पहिली ते आठवीच्या वर्गांसाठी दररोज सकाळी 8 वाजल्यापासून 45 मिनिटांच्या दोन तासिका आणि नववी व दहावीसाठी चार तासिका होतात.
शिक्षण विभागाने आता अन्य जिल्ह्यातील शाळांनाही या वर्गांचा उपयोग करण्यास मुभा दिली आहे. त्यानुसार प्रवेश मंजूर झालेल्या विद्यार्थ्यांनी ऑनलाईन वर्गात नियमित उपस्थित राहणे आवश्यक असणार आहे. ऑनलाईन वर्गाची सुविधा पूर्णपणे मोफत असणार आहे.
-----------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.