नवी मुंबई : नवी मुंबईतून एक धक्कादायक बातमी समोर येतेय. नवी मुंबईतील कळंबोली भागात एका तरुणीचा कुजलेल्या अवस्थेत मृतदेह आढळून आला आहे. एका इंग्रजी वृत्तपत्राने दिलेल्या बातमीनुसार 7 डिसेंबर रोजी नवी मुंबईतील कळंबोली परिसरातील एका इमारतीच्या फ्लॅटमध्ये रीना शेख हिचा मृतदेह आढळून आला होता. धक्कादायक बाब म्हणजे या तरुणीची २१ दिवसांपूर्वी म्हणजेच तीन आठवड्यांपूर्वी हत्या करण्यात आल्याची माहिती पोलिसांनी दिली आहे. सदर तरुणीचा गळा दाबून खून करण्यात आल्याचं पोलिसांनी सांगितलंय. 

महत्त्वाची बातमी : फेक TRP प्रकरणात सर्वात मोठी कारवाई, BARC India चे माजी COO रोमिल रामगरहिया अटकेत

प्रकरण नक्की आहे तरी काय ?  

नवी मुंबईतील कळंबोली भागात हत्या झालेली तरुणी एक बांगलादेशी तरुणी होती. तिच्या प्रियकरानेच तिची निर्घृण हत्या केल्याची ही घटना आहे. रीना ही कळंबोलीमध्ये तिच्या दोन मैत्रिणींसोबत राहत होती. या दोन्ही मैत्रिणीही बांगलादेशी होत्या. लॉकडाऊनमुळे रोजगार गेल्याने या दोघी परत बांग्लादेशात गेल्या होत्या. या काळात रीना एकटीच रूमवर राहत होती. दरम्यान काही दिवसांनी रिनाच्या मैत्रिणी परतल्यात. रूमवर जाण्यासाठी त्यांनी तिला फोन केला. मात्र तिने फोन उचलला नाही. त्यानंतर त्यांनी ब्रोकरला फोन करून दुसऱ्या चावीने रूमचा दरवाजा उघडला आणि त्यांच्या पायाखाची जमीन सरकली. रूमचा दरवाजा उघडला आणि कुजलेल्या अवस्थेतील रीनाचा मृतदेह त्यांना आढळून आला. 

मुंबई विभागातल्या ताज्या बातम्या वाचण्यासाठी येथे क्लिक करा

पोलिसांनी फिरवलीत चक्र आणि...

दरम्यान, याप्रकरणी नवी मुंबई पोलिसांनी तपास सुरु केला. रिनाचा मोबाईल पोलिसांनी हस्तगत केला. यामधून पोलिसांना एका व्यतीवर संशय आला. या माहितीच्या आधारे पोलिसांनी ज्याला पकडलं तो रिनाचा प्रियकर निघाला. रिनाचे आणखीन कुणाशीतरी संबंध असल्याच्या कारणावरून आपणच तिचा गळा दाबून हत्या केल्याची कबुली या इसमाने दिली आहे. रिनाच्या मैत्रिणी स्वदेशी परतल्यावर बॉयफ्रेंड भरत आणि रीना एकत्र राहत होते. रिनाची हत्या केल्यानंतर भरत फरार होता. यावरून पोलिसांचा संशय बळावला होता आणि पोलिसांनी त्याला अखेर बेड्या ठोकत ही केस निकाली काढलीये. खुनाच्या आरोपात न्यायालयाने भरतला पोलिस कोठडी सुनावली आहे. 

boyfriend of bangladeshi young girl took extreme step and finished her in navi mumbai