मुंबई - रेल्वे संदर्भातील सूचना कायम आपल्या कानावर पडत असतात. रेल्वेच्या दरवाजात उभं राहू नका, रेल्वे रूळ ओलांडू नका, रेल्वेलाईन पासून दूर राहा. मात्र या घोषणांकडे सर्रास दुर्लक्ष केलं जातं. अनेक महाभाग तर मुद्दाम आपण किती दबंग आहोत हे दाखवण्यासाठी नसते उपदव्याप करत असतात. अशीच एक रेल्वे संदर्भातील धक्कादायक बातमी समोर येतेय. ही बातमी आहे एका आजींची. या आजींच्या अंगावरून संपूर्ण मालगाडी गेली, मात्र या आजींना साधं खरचटलं देखील नाही. काय आहे हा प्रकार , असं कसं झालं जाऊन घेऊयात.
देव तरी त्याला कोण मारी ही म्हण आपण सर्वानीच ऐकलीये. असाच काहीसा प्रकार लोणावळ्यात घडल्याचं बोललं जातंय. याबाबतचा व्हिडीओ देखील सोशल मीडियावर प्रचंड व्हायरल झालाय. अनेकदा गाड्या सायडिंगला उभ्या राहतात. अनेकदा यामध्ये मालगाड्या असतात. अनेक लोकं या मालगाडीच्या खालून रूळ क्रॉस देखील करतात. या व्हिडिओतील आजी देखील असंच काहीसं करायला गेल्यात आणि मालगाडी सुरु झाली.
मालगाडी सुरू झालेली समजताच आजी थोड्या घाबरल्या मात्र आजींनी समयसूचकता दाखवली. आसपासच्या माणसांनी देखील आजींना रुळांवर सरळ झोपायला सांगितलं. पटकन रेल्वे रुळांवर झोपून आजींनी प्रसंगावधान दाखवलं. महत्वाची बाब म्हणजे संपूर्ण मालगाडी या आजींच्या अंगावरून क्रॉस झाली मात्र, या आजींना साधं खरचटलं देखील नाही. संपूर्ण गाडी जाईपर्यंत या आजी अजून किती बाकी आहे असं विचारात होत्या.
मालगाडी आजीबाईंच्या अंगावर जाणारा हा व्हिडीओ आता सोशल मीडियावर व्हायरल झाला आहे. सोशल मीडियावर व्हायरल होणारा हा व्हिडिओ लोणावळ्यातील आहे असं म्हटलं जातंय. पण नेमकं कुठे घडलंय याची खात्रीशीर माहिती मिळु शकली नाही.
carriage train viral video of old lady of lonavala watch video
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.