पनवेल : कोरोनाचा संसर्ग रोखण्याकरिता पालिकेच्या वतीने घोषित करण्यात आलेल्या लॉकडाऊनच्या नियमात पनवेल पालिकेने पुन्हा एकदा बदल केलाय. सकाळी 9 ते सायंकाळी 5 वाजेपर्यंत सामाजिक अंतर राखत भाजीपाला, चिकन, मटण, मच्छी, फळे, बेकरी आणि किराणा दुकानांतून काऊंटर सेल करण्यास परवानगी दिली असल्याचे पालिकेच्या वतीने सांगण्यात आले आहे.

ही बातमी वाचली का? नवी मुंबईकरांना दिलासा; अॅन्टीजेन टेस्टला आजपासून झाली सुरूवात 

लॉकडाऊनची घोषणा केल्यानंतरही रुग्णसंख्येत वाढ होत असल्याने, लॉकडाऊनची कडक अंमलबजावणी करण्यात पालिका प्रशासन अपयशी ठरले आहे. त्यामुळे आता लॉकडाऊनची अंमलबजावणी कशा रीतीने केल्यास रुग्णसंख्या आटोक्यात येऊ शकेल, याबाबत संभ्रमात असल्याचे वारंवार बदलण्यात येणाऱ्या निर्णयावरून पाहायला मिळत आहे. कोरोना काळात वाढती रुग्णसंख्या आटोक्यात आणण्याकरिता पालिका प्रशासनाच्या वतीने सुरुवातीला 3 जुलैपासून 14 पर्यंत लॉकडाऊन जाहीर करण्यात आले होते. 10 दिवसांच्या लॉकडाऊननंतरही रुग्णसंख्या आटोक्यात न आल्याने लॉकडाऊनच्या कालावधीत 24 जुलैपर्यंत वाढ करण्याचा निर्णय घेत जीवनावश्यक वस्तूंच्या नावावर किराणा सामान, भाजीपाला, चिकन, मटण तसेच मच्छी व फळांची दुकाने सुरू ठेवण्यास परवानगी देत काऊंटर विक्रीला पालिकेच्या वतीने परवानगी देण्यात आली आहे. 

ही बातमी वाचली का? 5 मिनिटांपूर्वी बाबा खूप चांगलं बोलत होते, पण अचानक....

यापुर्वी जीवनावश्यक वस्तू खरेदीच्या नावावर नागरिक मोठ्या प्रमाणात घराबाहेर पडत असल्याचे लक्षात आल्याने दुकाने सुरू ठेवून काऊंटर विक्री करण्याचा निर्णय फिरवत केवळ घरपोच सेवा देण्याची परवानगी देण्याचा निर्णय घेण्यात आला होता. मात्र, आता पालिका प्रशासनाने तिसऱ्यांदा आपल्या निर्णयात बदल करत सकाळी 9 ते सायंकाळी 5 वाजेपर्यंत सामाजिक अंतर राखत भाजीपाला, चिकन, मटण, मच्छी, फळे, बेकरी आणि किरणा दुकानांतून काऊंटर सेल करण्यास परवानगी दिली असल्याचे पालिकेच्या वतीने सांगण्यात आले आहे.
-----------------------------
(संपादन : गोरक्षनाथ ठाकरे)