कल्याण : डोंबिवली औद्योगिक परिसरातील गुलाबी रस्त्याची दखल घेत मुख्यमंत्री उद्धव ठाकरे यांनी आज या परिसराची पाहणी केली. मुख्यमंत्र्यांच्या पाहणी दौऱ्याच्या वेळी इथे साफसफाई करण्याचा प्रयत्न प्रशासनाने केला.

हेही वाचा - एक वर्षाच्या मोहम्मदला घरबसल्या मिळाले सात कोटी

औद्योगिक विभागातील फेज दोनमधील रस्त्यावर गुलाबी रंगाचे रसायन पसरल्याच्या घटनेला आता तीन दिवस झाले आहेत. महाराष्ट्र औद्योगिक विकास मंडळाने हा रस्त्यावर पाणी टाकून तो धुण्याचा प्रयत्न केला; मात्र तो असफल ठरला. आज मुख्यमंत्री या परिसरात येणार असल्याने रंग काहीसा फिक्का दिसावा, यासाठी प्रयत्न करण्यात आले. या रस्त्यावर माती टाकून तो रंग काढून टाकण्याचा प्रयत्न झाला.

महत्त्वाची बातमी - सावधान! नवी मुंबईत डोक्यावर पडतायत विजेचे खांब

या पाहणी दौऱ्यामुळे परिसरातील गटारांचीही सफाई करण्यात आली. कारखान्यातील रासायनिक सांडपाणी वाहून नेण्यासाठी स्वतंत्र यंत्रणा असतानाही या गटारातील पाण्यात रसायने मिसळत असल्याचे या वेळी स्पष्ट झाले. गटारातील रसायनमिश्रित पाण्यामुळे त्याची सफाई करताना उग्र दर्प पसरला होता. हे पाणी काढण्यासाठी पंप लावण्यात आले होते. गटारातही अनेक प्रकारची रसायने मिसळत असल्याचे यामुळे स्पष्ट होत आहे. औद्योगिक विकास मंडळ तसेच महाराष्ट्र प्रदूषण नियंत्रण मंडळ या बाबींकडे दुर्लक्ष करत असल्याचा आरोप स्थानिकांनी अनेकदा केला आहे. मात्र सरकारी यंत्रणा याकडे कानाडोळा करत असल्याचे दिसून येत आहे. 

web title : Chief Minister inspects the pink road in Dombivali