मुंबई : मुंबईसह महाराष्ट्रात कोरोनाचे रुग्ण वाढत असल्याने त्याचा प्रसार रोखण्यासाठी लॉकडाऊन करण्यात आले. कोरोनाच्या भीतीने खासगी डॉक्टरांनी दवाखाने बंद ठेवले. अनेकवेळा आवाहन करूनही दवाखाने उघडले जात नसल्याने अखेर कोरोनाच्या पार्श्वभूमीवर ताप, खोकला, सर्दीवर उपचार करू नका पण आपले दवाखाने उघडा असे आवाहन पालिका आयुक्तांनी एका परिपत्रकाद्वारे केले आहे.

धक्कादायक! अत्यावश्यक सेवेतील कर्मचाऱ्यांचीच सुरक्षा धोक्यात

दवाखाने उघडले नाही तर साथ नियंत्रण कायदा आणि आयपीसी कायद्यानुसार कारवाई करण्यात येईल असा इशारा देण्यात आला आहे. या परिपत्रकानुसार रुग्णालयात गर्दी वाढणार असून कोरोनाचा प्रसार होण्याची शक्यता वर्तवली जात आहे. 

...म्हणून लॉकडाऊन काळात हैराण झालेत महाराष्ट्राचे गृहमंत्री अनिल देशमुख

जगभरात कोरोना व्हायरसने थैमान घातले आहे. हजारो लोकांचा जीव घेणाऱ्या या व्हायरसचे भारतातही शेकडो रुग्ण आढळून आले आहेत. भारतात सर्वाधिक रुग्ण हे मुंबई आणि महाराष्ट्रात आहेत. मुंबईसह महाराष्ट्रात कोरोनाचे रुग्ण वाढत असल्याने पालिका आणि खासगी रुग्णालयांवरील ताण वाढत असताना खासगी डॉक्टरांनी आपले दवाखाने बंद ठेवले आहेत.

राज्य सरकारने जाहीर केली विशेष रुग्णालये! तुमच्या जवळचे रुग्णालय कोणते वाचा!

काही मेडिकल आणि खासगी रक्त चाचण्या करणाऱ्या लॅबही बंद ठेवण्यात आले आहेत. यामुळे नागरिकांना वैद्यकीय उपचार मिळण्यास अडचणी निर्माण झाल्या आहेत. डॉक्टरांनी दवाखाने बंद ठेवू नयेत नागरिकांच्या सुविधेसाठी दवाखाने उघडा असे आवाहन मुख्यमंत्री, आरोग्यमंत्री, पालिकेचे स्थायी समिती अध्यक्ष यांनी केले आहे. दवाखाने उघडले नाही तर कारवाईचा इशाराही दिला. मात्र त्यानंतरही डॉक्टरांनी दवाखाने उघडलेले नाहीत. 

'या' तरुणीने केलं असं काही, आता संपूर्ण उल्हासनगरमध्ये होतेय जोरदार चर्चा 

आवाहन करूनही डॉक्टर आपले दवाखाने उघडत नसल्याने पालिका आयुक्तांनी त्यांना दिलेल्या साथ नियंत्रण कायद्यानुसार अधिकाराचा वापर करत एक परिपत्रक काढले आहे. या परिपत्रकानुसार 13 मार्च पासून कोरोना विषाणूचा प्रादुर्भाव रोखण्यासाठी साथ रोग नियंत्रण कायदा लागू करण्यात आला आहे. त्यानंतर खासगी रुग्णालये, दवाखाने (ओपीडी), पॅथॉलॉजी लॅब, मेडिकल स्टोअर्स बंद ठेवल्याने नागरिकांना त्रास होत आहे. त्यांना वैद्यकीय सेवा मिळण्यास अडचणी येत आहेत. यामुळे दवाखाने त्वरित उघडावेत.

वाचलो ! तुम्ही कल्पनाही करू शकणार नाहीत आपल्यावरचं किती मोठं COVID19 चं संकट टळलंय

ताप, सर्दी, खोकला ही लक्षणे नसतील अशा रुग्णांनाचा रुग्णालयात, दवाखान्यात प्रवेश द्यावा. कोरोना सदृश्य आजार नसतील अशा रुग्णांची डॉक्टरांनी तपासणी औषध उपचार करावेत. ताप, खोकला, सर्दी असलेल्या रुग्णांना डॉक्टरांनी कोरोनाचे उपचार सुरू असलेल्या रुग्णालयात पाठवावे असे परिपत्रकात म्हटले आहे.

अन्यथा कारवाई
डॉक्टरांना आवाहन करूनही दवाखाने, मेडिकल स्टोअर्स, पॅथॉलॉजी लॅब बंद आहेत. ते त्वरित उघडण्याचे आदेश देताना सबळ कारण न देता दवाखाने, मेडिकल स्टोअर्स, पॅथॉलॉजी लॅब बंद साथ नियंत्रण कायदा 1897 व आयपीसीच्या 188 कलमानुसार कायदेशीर कारवाई केली जाईल असे पत्रकात म्हटले आहे.