ठाणे : शिवसेनेचे पक्षप्रमुख उद्धव ठाकरे मुख्यमंत्री झाल्यानंतर पहिल्यांदा ठाण्याला येणार आहेत. त्यांच्या हस्ते 6 फेब्रुवारी रोजी शहरातील किसनगर आणि हाजुरी येथील क्‍लस्टरचे भूमिपूजन करण्यात येणार आहे. तसेच तीन हात नाक्‍याजवळील बाळासाहेब ठाकरे स्मारकाचे लोकार्पण, अपंगांना स्टॉल आणि घरांच्या चाव्यांचे वाटप, प्रकल्पबाधितांना चाव्या वाटप, बीएसयूपीच्या घरांचे चाव्या वाटप आदी कार्यक्रम होणार आहेत. 

पालिकेतील सत्ताधारी शिवसेनेसाठी क्‍लस्टरचा विषय हा महत्त्वाचा आहे. त्यामुळेच या क्‍लस्टरची पूर्तता करण्यासाठी सातत्याने प्राधान्य दिले जात आहे. क्‍लस्टरच्या भूमिपूजन कार्यक्रमासाठी शिवसेनेचे सर्व पदाधिकारी आतापासून कामाला लागले आहेत.

शरद पवार आमचे विठ्ठल ः संजय राऊत

ठाण्यात क्‍लस्टरच्या मुद्द्यावरून चांगलाच राजकीय कलगीतुरा रंगला होता. नुकताच झालेल्या विधानसभा निवडणुकीबरोबरच यापूर्वीच्या निवडणुकांमध्ये देखील क्‍लस्टर हाच प्रचाराचा मुद्दा होता. गेले अनेक वर्ष सर्वसामान्य ठाणेकर या क्‍लस्टर योजनेच्या अंमलबजावणीच्या प्रतीक्षेत होते. 

महाविकास आघाडीचे सरकार राज्यात आल्यानंतर एकनाथ शिंदे यांच्याकडे नगरविकास तर जितेंद्र आव्हाड यांच्याकडे गृहनिर्माण अशी ठाण्यात दोन कॅबिनेट मंत्रिपदे मिळाली आहेत. त्यामुळे क्‍लस्टरचा मार्ग अधिक मोकळा होणार असल्याचे मानले जात आहे.

उल्हासनगरमध्ये लाखोंचा गुटखा जप्त

दरम्यान, मुख्यमंत्री उद्धव ठाकरे यांच्या या दौऱ्यात तीन हात नाका येथील शिवसेनाप्रमुख बाळासाहेब ठाकरे यांच्या स्मारकाचे लोकार्पण, बीएसयूपी योजनेतील लाभार्थ्यांना चावी वाटप, अपंगांना सदनिकांचे आणि स्टॉलचे वाटप आणि प्रकल्पबाधित नागरिकांना देखील यादिवशी सदनिकांचे वाटप करण्यात येणार आहे. या सर्व विकासकामांचे उद्‌घाटन झाल्यानंतर पालिकेच्या डॉ. काशिनाथ घाणोकर नाट्यगृहात मुख्य कार्यक्रम होऊन तेथे उद्धव ठाकरे उपस्थितांना मार्गदर्शन करणार आहेत.