मुंबई : चित्त्यांच्या भारतातील आगमनावर आता राजकारण सुरु झालं असून काँग्रेसनं याला ड्रामा संबोधलं आहे. तसेच याचा संबंध देशातील बेरोजगारीशी जोडला आहे. यावरुन उपमुख्यमंत्री देवेंद्र फडणवीस यांनी जोरदार प्रत्युत्तर दिलं आहे. (Congress criticizes arrival of cheetahs in India Devendra Fadnavis gave a strong reply)

फडणवीस म्हणाले, "काँग्रेस आपली जागा शोधतेय. काँग्रेस आता जनतेत नाही... ना लोकांमध्ये... ना संसदेत. काँग्रेसचं अस्तित्व अकुंचन पावायला लागलंय. त्यामुळं त्यांनी एकच धोरणं अवलंबलंय की प्रत्येक गोष्टीला फक्त विरोध करायचा. मला असं वाटत की देशाच्या लोकांनी चित्त्यांचं स्वागत केलंय"

हे केवळ चित्ते नाहीत. तर आपल्या अन्नसाखळीतील महत्वाचा घटक आहेत. जेव्हा एखादा प्राणी नष्ट होतो तेव्हा त्याचा थेट परिणाम आपल्या अन्नसाखळीवर होतो, पर्यावरणावरही होतो. त्यामुळं ही साखळी जर आपण ठीक करत असू आणि त्यासाठी पंतप्रधान प्रयत्न करत असतील तर त्याचं आपण स्वागत करायला हवं. पण काँग्रेसमध्ये केवळ नकारात्मकता भरली आहे, अशा शब्दांत फडणवीसांनी काँग्रेसला जोरदार प्रत्युत्तर दिलं.