ठाणे : ठाणे जिल्ह्यात शनिवारी जिल्ह्यात दिवसभरात एक हजार 249 रुग्णांची तर, 38 जणांच्या मृत्यूची नोंद करण्यात आली. त्यामुळे जिल्ह्यात एकूण रुग्ण संख्या एक लाख पाच हजार 319 तर, मृतांची संख्या आता तीन हजार 9 झाली आहे.  

नक्की वाचा : जुन्या कपड्यांनी उलगडला कोट्यावधींचा कर गैरव्यवहार; बोगस कोडवरून चढ्या भावाने निर्यात

ठाणे जिल्ह्यात नवी मुंबई महापालिका क्षेत्रात सर्वाधिक 419 रुग्णांची तर, 4 जणांच्या मृत्यूची नोंद करण्यात आली आहे. त्यामुळे बाधितांची संख्या 20 हजार 549 तर, मृतांची संख्या 503 वर पोहोचला आहे. त्या पाठोपाठ कल्याण डोंबिवली महापालिका क्षेत्रात सर्वाधिक 288  रुग्णांची तर, 7 जणांच्या मृत्यूची नोंद करण्यात आली. त्यामुळे बाधितांची संख्या 24 हजार 100 तर, मृतांची संख्या 489 वर गेली आहे. ठाणे महानगर पालिका हद्दीत 172 बाधितांची तर, 9 जणांच्या मृत्यूची नोंद करण्यात आल्यामुळे बाधितांची संख्या 23 हजार 106 तर, मृतांची संख्या 738 वर गेली आहे.

ठाणेकर! स्वातंत्र्यदिनी 'ही' खास बातमी तुमच्यासाठी, नक्की वाचा

मीरा भाईंदरमध्ये 168 रुग्णांची तर, 11 जणांच्या मृत्यूची नोंद करण्यात आल्याने बाधितांची संख्या 10 हजार 560 तर, मृतांची संख्या 358 इतकी झाली आहे. तर, भिवंडी महापालिका क्षेत्रात 34 बधीतांची तर, दोन जणांच्या मृत्यूची नोंद करण्यात आल्याने बाधितांची संख्या 3 हजार 889 तर, मृतांची संख्या 270 झाली. तसेच उल्हासनगर 31 रुग्णांची तर, 3 जणांच्या मृत्यूची नोंद करण्यात आल्याने बाधितांची संख्या 7 हजार 329 तर, मृतांची संख्या 176 झाली आहे.

अधिक वाचाः  चलो कोकण! मध्य रेल्वेनंतर पश्चिम रेल्वे सोडणार स्पेशल ट्रेन, जाणून घ्या गाड्यांचा तपशील

अंबरनाथमध्ये 36 रुग्णांची तर, एकाचा मृत्यूची नोंद करण्यात आल्याने बाधितांची संख्या 4 हजार 461 तर, मृतांची संख्या 172 झाली. बदलापूरमध्ये 41 रुग्णांची नोंद करण्यात आल्याने बाधितांची संख्या 3 हजार 376 इतकी झाली. तसेच, ठाणे ग्रामीण भागात 60 रुग्णांची तर, एक जणांच्या मृत्यूची नोंद करण्यात आल्याने बाधितांची संख्या 7 हजार 949 तर, मृतांची संख्या 244 वर गेली आहे.

(संपादन : वैभव गाटे)

corona death toll rises to 3000 in Thane district today corona positive is