उरण : उरणमध्ये कोरोनाचा भडका उडाला असून, एकाच दिवशी 21 रुग्ण कोरोना पाॅझिटिव्ह आढळले आहेत. करंजा सुरकीचा पाडा येथील कोरोना रुग्णाच्या अत्यंत जवळच्या नातेवाइकांपैकी 21 जणांची चाचणी केली होती, त्यांचे अहवाल पाॅझिटिव्ह आले आहेत. त्यामुळे उरणमध्ये कोरोनाच्या संख्येत भर पडली असून ती 29 वर पोहचली आहे. त्यामुळे उरणकरांची चिंता वाढली आहे.

मोठी बातमी : धक्कादायक ! कोरोनामुळे सहायक पोलिस उपनिरीक्षकाचा मृत्यू

दोन महिन्यांपासून उरणमध्ये कोरोना आटोक्यात होता. आत्तापर्यंत आठ कोरोना रुग्णांपैकी चार रुग्णांनी कोरोनावर विजय मिळवला आहे. तर चार जणांवर पनवेल येथील शासकीय रुग्णालयात उपचार सुरू आहेत. परंतु, करंजा येथील सुरकीचा पाडा येथे सापडलेल्या आठव्या कोरोनाच्या रुग्णामुळे त्याच्या संपर्कात आलेल्या 72 व्यक्तींना क्वारंटाईन केले होते. त्याच्या जवळच्या नातेवाईकांपैकी 21 जणांची चाचणी प्रशासनाने केली होती. त्या सर्वांचा अहवाल पाॅझिटिव्ह आला असून त्यांना एमजीएम रुग्णालयात उपचारासाठी दाखल केले आहेत, अशी माहिती तालुका आरोग्य अधिकारी डाॅ. राजेंद्र इटकरे यांनी दिली.

मोठी बातमी : अडकलेल्या नागरिकांनो! घरी जाण्यासाठी ST महामंडळाशी असा साधा संपर्क

उरणमध्ये कोरोना पाॅझिटिव्ह रुग्णांची संख्या आता 29 वर पोहचली आहे. त्यातील 25 जण उपचार घेत आहेत, तर चार जण कोरोनावर मात करून घरी परतले आहेत. तसेच, शनिवारी गावातील आणखी 43 जणांची खासगी लॅबमध्ये चाचणी केली आहे, त्यांचा अहवाल येणे बाकी आहे.

Corona eruption in Uran, 21 corona positive in a single day