मुंबई :  इटलीच्या कोरोनाचा मुंबईला 500 कोटी रुपयांचा फटका बसला आहे. इटलीच्या मिलानमध्ये दरवर्षी चामड्यांच्या वस्तूंचे जागतिक प्रदर्शन असते. या प्रदर्शनातून मुंबईतील व्यापार्यांचा किमान 500 कोटी रुपयांचा व्यवहार होतो. मात्र, यंदा हेे प्रदर्शनच होणार नसल्याने मुंबईतील व्यापार्यांना 500 कोटी रुपयांच्या उत्पन्नाला मुकावे लागणार. धारावीसह मुंबईतील काही भागात मिळून चामड्याच्या वस्तू बनवणाऱ्या 200 ते 250 कारखान्यांना दरवर्षी या प्रदर्शनातून ऑर्डर मिळतात. साधारतः 400 ते 500 कोटी रुपयांचा हा व्यवहार असतो असे व्यवसायिक सांगतात. मात्र, यंदा हा व्यवहार ठप्प पडला आहे.

मोठी बातमी - ​सिडको गृहलाभार्थ्यांसाठी सरकारचा मोठा निर्णय, पैसे भरण्यासाठी मिळाली इतक्या महिन्यांची मुदतवाढ...

इटलीत होणाऱ्या प्रदर्शनातून जगभरात मुंबईत तयार झालेल्या चामड्याच्या वस्तू पाठवल्या जातात असे मुंबईतील चर्मोद्योजक राजेश खंदारे यांनी सांगितलं. मुंबईत तयार झालेल्या चामड्याच्या वस्तू या प्रामुख्याने युरोपियन देशात पाठवल्या जातात. मात्र, यंदा ते शक्य होणार नाही असेही त्यांनी सांगितले. वर्षभर हा व्यवहार सुरु असतो. मात्र,गेल्या तीन महिन्यापासून निर्यात ठप्प आहे. त्यामुळे तयार झालेला माल पडून असल्याने तोही खराब होण्याची शक्यता आहे. त्यामुळे दुहेरी फटका या उद्योगाला बसला आहे.

मोठी बातमी - रुग्णवाहिकेशी केला संपर्क, मागितले अवाच्या सव्वा पैसे, शेवटी ओढवली 'ही' वेळ; मुख्यमंत्रीसाहेब पाहताय ना ?

मुंबईत फक्त चामडं कमावण्याचे काम होतं नाही. पण त्यानंतरच्या सर्व प्रक्रीया करणे, कच्च्या चामड्यापासून वस्तू बनवण्याची अशी विविध कामे होतात. या सर्वांनाच लॉकडाऊनचा फटका बसला आहे. तसेच हे चामडही खराब होण्याची भिती व्यापारी व्यक्त करत आहेत.