मुंबई : मुंबईत कोविड19 संसर्ग वेगाने आपले हात पाय पसरत असून मुंबईतील रुग्णांची संख्या 30 हजार पार झाली आहे. मुंबईतील रुग्णवाढीचा दैनंदिन सरासरी दर हा देखील वाढला असून तो 6.61 इतका झाला आहे. हा दर कमी करण्यासाठी पालिकेने आता शर्थीचे प्रयत्न सुरू केले आहेत.
मुंबईत पालिकेचे 24 वॉर्ड असून त्यातील 8 वॉर्डमधील रूग्णवाढीचा दैनंदिन दर हा 8 टक्क्यांवर आहे. आर दक्षिण यामध्ये 9.4%, आर मध्यमध्ये 8.9 %, टी वॉर्डमध्ये 11.9%, पी दक्षिण वॉर्डमध्ये 10.9 %, पी उत्तरमध्ये 11.9 %, एस 10.0, एन वॉर्डात 13.7%, एफ दक्षिण मध्ये 8.2 % या विभागांचा यात समावेश आहे.
तर 16 वॉर्डमध्ये रुग्णवाढीचा सरासरी दर हा 8 टक्क्यांपेक्षा कमी आहे. जी दक्षिण यामध्ये 3.4 टक्के, ई वॉर्डमध्ये 4.2 टक्के, एफ उत्तर 4.6 टक्के आणि डी 4.6 टक्के या चार वॉर्ड मधील रुग्णवाढीचा दर हा सर्वात कमी आहे.
मुंबईतील कोविड 19 रुग्णांचा विभागवार आढावा पालिकेने सुरु केला आहे. पालिकेच्या प्रत्येक विभागामध्ये कोविड19 रुग्ण दुप्पट होण्याच्या कालावधी समवेत रूग्णवाढीच्या सरासरी दरावर देखील लक्ष ठेवले जात आहे.
रुग्णवाढीच्या सरासरी दरामुळे, रुग्णसंख्या कमी असलेल्या एखाद्या विशिष्ट विभागामध्ये, रुग्णांची वाढ होऊ लागल्यास त्याची तातडीन दखल घेण्यास मदत होते.
या निकषांनुसार रुग्णवाढीचा दर 8 टक्क्यांपेक्षा जास्त अथवा कमी अशा गटांमध्ये विभागांचे वर्गीकरण केले जाते. विशिष्ट विभागांमध्ये रुग्णवाढीचा दर 8 टक्क्यांपेक्षा जास्त आढळून आल्यास, तेथे प्रतिबंधित क्षेत्राचे कठोरपणे पालन करणे, सुरक्षित अंतर राखण्यासाठी नागरी समुदायाकडुन अधिकाधिक सहभाग मिळवणे, यासाठी कार्यवाही केली जाते.
कोविड 19 रुग्णवाढीच्या दराविषयी महत्त्वाची माहिती :
covid 19 patients count rate is increasing in mumbai patients count rate jumped by more than 6 percent
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.