मुंबई

मुलीच्या अपहरणाचा तपास पुणे गुन्हे शाखेकडे

सकाळवृत्तसेवा

मुंबई : पुण्यातील अल्पवयीन मुलीच्या अपहरणाचा तपास स्थानिक पोलिसांऐवजी पुणे गुन्हे शाखेचे पोलिस करतील, अशी माहिती पुणे सहपोलिस आयुक्त रवींद्र कदम यांनी शनिवारी मुंबई उच्च न्यायालयात दिली.

या प्रकरणाचा तपास करणाऱ्या संबंधित पोलिस ठाण्यातील अधिकाऱ्याची पोलिस उपायुक्तांमार्फत चौकशी केली जाणार असून, त्यात तो दोषी आढळल्यास त्याच्यावर कारवाई केली जाईल, असेही त्यांनी स्पष्ट केले. त्यावर खंडपीठाने 5 जूनपर्यंत पुणे पोलिसांना तपासाच्या प्रगतीचा अहवाल सादर करण्याचे आदेश दिले आहेत. 

सहा एप्रिलपासून बेपत्ता असलेल्या मुलीच्या तपासात हलगर्जीपणा होत असून, पोलिसांकडून आरोपीला मदत होत असल्याचा आरोप करणाऱ्या याचिकेवर शुक्रवारी मुंबई उच्च न्यायालयात सुनावणी झाली. त्या वेळी पुणे पोलिसांच्या कार्यपद्धतीवर खंडपीठाने नाराजी व्यक्त करत याप्रकरणी सहपोलिस आयुक्तांना शनिवारी हजर राहण्याचे आदेश दिले होते.

त्यानुसार पुणे पोलिसांच्या वतीने सहपोलिस आयुक्त रवींद्र कदम हे न्या. शाहरूख काथावाला आणि न्या. अजय गडकरी यांच्या खंडपीठासमोर शनिवारी हजर झाले. 

अल्पवयीन मुलीचा शोध घेण्याचा कसोशीने प्रयत्न करताना या प्रकरणाचा तपास पुणे गुन्हे शाखेकडे (क्राइम ब्रॅंच) वर्ग केला असून, दोन आठवड्यांत गुन्ह्याचा छडा लावण्यास यश मिळेल, असा विश्‍वास कदम यांनी व्यक्त केला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Commuter Murder Mumbai Local: मुंबई लोकलमध्ये प्रवाशाची हत्या! गर्दुल्यांकडून ट्रेनमध्ये हैदोस

Latest Marathi News Live Update: अमेठीत राहुल गांधींच्या उमेदवारीची चर्चा; कार्यकर्त्यांनी पोस्टर्सही छापले

Naresh Mhaske: म्हस्केंच्या उमेदवारी विरोधात भाजपत नाराजी; नवी मुंबईतील 65 पदाधिकाऱ्यांचा राजीनामा

SRH vs RR Live IPL 2024 : ट्रॅविस हेडने डाव सावरला; अर्धशतक ठोकत संघाला नेलं शतकाच्या जवळ

Fact Check : एकाच व्यक्तीकडून भाजपला पाच मत देणारा 'तो' व्हिडीओ दिशाभूल करणारा; व्हायरल होत असलेला व्हिडीओ 'मॉक पोल' चा

SCROLL FOR NEXT