Kalyan Crime News: नेवाळी नाक्यावरील एका किराणा दुकानातून एमडी या अमली पदार्थाचा साठा पोलिसांनी शनिवारी (ता.४) जप्त केला आहे.

याची किंमत ४ कोटी ५० लाख ७० हजार रुपये इतकी आहे. त्यामुळे अमली पदार्थाचे मोठे रॅकेट उद्ध्वस्त होण्याची शक्यता असल्याचे कल्याण गुन्हे अन्वेषण विभागाचे वरिष्ठ पोलिस निरीक्षक नरेश पवार यांनी सांगितले.(crime news)

नेवाळी नाका येथे एकविरा ढाब्याजवळ राजेशकुमार प्रेमचंद तिवारी याचे गायत्री नावाचे किराणा दुकान आहे. आ दुकानातून एमडी ड्रग्ज पावडरची विक्री होत असल्याची माहिती कल्याण गुन्हे अन्वेषण विभागाला मिळाली होती. त्यानुसार पोलिसांनी शुक्रवारी दुपारी पावणे एक वाजता दुकानावर छापा टाकून झाडाझडती घेतली.

या झडतीत ३ किलो ६ ग्राम एमडी ड्रग्ज पावडर आढळून आली. या ड्रग्जची किंमत ४ कोटी ५० लाख ७० हजार आहे.राजेश तिवारीला शैलेश राकेश अहिरवार याने हे ड्रग्ज पुरवले होते. याप्रकरणी दुकानदार राजेशकुमार तिवारी याला अटक करण्यात आली असून शैलेश अहिरराव यालाही अटक करणार असल्याची माहिती पोलिसांनी दिली.