मुंबई : उच्च न्यायालयाच्या निकालाची कथित बनावट प्रत तयार करण्याच्या प्रकरणात आझाद नगर पोलिसांनी गुन्हा नोंदवून तपास सुरू केला आहे. न्यायालय प्रशासनाच्या रजिस्ट्रार विभागाने मंगळवारी तकार दाखल केली.
धनादेश ठेवींबाबतच्या एका प्रकरणात न्या. गौतम पटेल यांनी कथित आदेश दिल्याचे बनावट प्रतीतून दर्शवण्यात आले आहे. यासंदर्भात अॅड. उमेश मोहिते आणि अॅड. हेतल पंड्या यांनी केलेल्या तक्रारीची दखल घेऊन न्यायालय प्रशासनाने अंतर्गत चौकशीचा आदेश दिला. फौजदारी फिर्यादही दाखल केली आहे. न्या. पटेल यांनी संबंधित आदेशाच्या प्रतीची तपासणी केली. त्यातील अक्षराचे नमुने, निकाल लेखनाची पद्धत यात तफावत आढळली. मुख्य म्हणजे त्या आदेशावर १ डिसेंबर २०१९ अशी तारीख आहे; मात्र त्या दिवशी रविवार असल्याचे समोर आले. त्यामुळे आदेशाची प्रत बनावट असल्याचे दिसते, असे मत व्यक्त करण्यात आले आहे.
दोन बॅंकांमधील खात्यांमधील रक्कम वळती करण्याबाबतचा उल्लेख संबंधित आदेशात आहे. न्यायालयाने दोन्ही खाती सील करण्याचे आणि हे प्रकरण मुख्य न्यायमूर्तींच्या निदर्शनास आणण्याचे निर्देश रजिस्ट्रार कार्यालयाला दिले. याप्रकरणी आझाद मैदान पोलिसांनी गुन्हा नोंदवला अाहे.
Crime registered Regarding fake copy of court order
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.