मुंबई - राज्यात परतीच्या पावसामुळे नुकसान झालेल्या शेतकऱ्यांना मदत द्यावी ही मागणी आज माजी मुख्यमंत्री देवेंद्र फडणवीस यांनी उद्धव ठाकरेंकडे केली. तर काँग्रेसचे प्रदेशाध्यक्ष व महसूलमंत्री बाळासाहेब थोरात यांनी ही मागणी नरेंद्र मोदी यांच्याकडे केली. एरवी एखाद्या मोठ्या प्रकरणाच्या तपासाची मागणी भाजपतर्फे केंद्राकडे तर काँग्रेसतर्फे राज्य सरकारकडे केली जाते. मात्र आज दोनही पक्षांचे हे क्रॉस कनेक्शन चुकून लागले की मुद्दाम अशी चर्चा यानिमित्ताने सुरु झाली.
परतीच्या पावसाचाही मोठा फटका सोलापूर, उस्मानाबाद, पुणे, सांगलीसह राज्याच्या इतर भागालाही बसला आहे. अतिवृष्टीने शेतकऱ्यांची उभी पिके वाया गेल्याने मोठे नुकसान झाले आहे. या नैसर्गिक आपत्तीच्या वेळी राज्य सरकार शेतकऱ्यांचा पाठीशी खंबीरपणे उभे असून नुकसानीचे तात्काळ पंचनामे करण्याचे आदेश दिलेले आहेत. केंद्र सरकारनेही त्यासाठी भरीव आर्थिक मदत द्यावी , अशी मागणी थोरात यांनी केली. आतापर्यंतचा अनुभव पाहता केंद्राकडून तुटपुंजी मदतच केली गेली आहे. आता राज्य सरकारसमोर कोरोना संकटामुळे मोठ्या आर्थिक अडचणी आहेत. मुख्यमंत्री उद्धव ठाकरे हे पंतप्रधान नरेंद्र मोदी यांच्याशी चर्चा करुन राज्याला जास्तीत जास्त मदत मिळावी यासाठी प्रयत्न करतील असेही थोरात म्हणाले.
फडणवीसांचे ठाकरेंना आर्जव
अतिवृष्टी झाली या त्या भागातील शेतक-यांना तातडीने दिलासा देण्यासाठी तेथे ओला दुष्काळ जाहीर करुन बाधित शेतक-यांना भरीव आर्थिक मदत जाहीर करावी अशी मागणी देवेंद्र फडणवीस यांनी मुख्यमंत्री उध्दव ठाकरे यांच्याकडे आज केली. विधानपरिषेदेचे विरोधी पक्ष नेते प्रविण दरेकर यांनी नुकताच अतिवृष्टी झालेल्या मराठवाडयातील जिल्ह्यांना भेट देऊन येथील परिस्थितीचे निवेदन सादर केल्याचेही फडणवीस यांनी मुख्यमंत्र्यांना पाठविलेल्या पत्रात नमूद केले आहे.
दरेकर यांनी नुकताच मराठवाडयातील अतिवृष्टीग्रस्त भागाचा दौरा केला व शेतक-यांना शासनाकडुन असलेल्या अपेक्षांबाबत ग्रामस्थांशी चर्चा केली. यासंदर्भात दरेकर यांनी केलेले निवेदनही मुख्यमंत्री उध्दव ठाकरे यांना पाठविण्यात आले आहे. यादृष्टीने या निवेदनातील मागण्यांबाबत शासनाने त्वरित सकारात्मक निर्णय घेण्याची मागणीही यावेळी करण्यात आली आहे.
---------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.