पोलादपूर : दक्षिण रायगडचा भाग दुर्गम वाड्या- वस्त्यांचा. त्यामुळे या भागात अनेक श्‍वापदांचा वावर असतो. परंतु एरवी त्यांचे दर्शन फारसे होत नसे. आता लॉकडाऊनमुळे शांतता वाढली असल्याने त्यांचा मुक्त वावर सुरू झाला आहे. काही दिवसांपुर्वी पोलादपूर तालुक्‍यातील जंगलात रानडुकरांनी तीन ग्रामस्थांवर हल्ला केला. आतामहालगुर येथे बिबट्याचा मुक्त संचार आहे. त्यामुळे भीती व्यक्त होत आहे. 

हे वाचा : या तारखेला भारत कोरोनामुक्त होणार

पोलादपूर तालुक्‍यातील दिवील येथील भाऊ भिलारे, भारती दिलिप भिलारे, ओंकार दिलिप भिलारे हे सरपण गोळा करण्यासाठी गेले असता त्यांच्यावर पिसाळलेल्या डुकराने हल्ला केला. जखमींना महाड ट्रामा केअर; तर एकाला मुंबई येथील रुग्णालयात दाखल करण्यात आले आहे. महालगुर येथे विष्णू कदम यांच्या अंगणात त्याच दिवशी सकाळी बिबट्या आल्याने कुत्रे भुंकण्याचा आवाज आला असता त्यांच्या पत्नी शारदा कदम यांनी घराबाहेर येऊन पाहिले असता त्यांना बिबट्याने कुत्र्यावर हल्ला केल्याचे दिसले. त्यांनी आरडाओरड केल्याने ग्रामस्थ धावून आले. त्यामुळे बिबट्याने तिथून धूम ठोकली. 

काय सांगता : सिगारेट ओढळ्याने कोराना दूर?

लॉकडाऊनमुळे वन्यजीव मोकळे होऊन फिरत आहेत. पोलादपूर तालुक्‍यातील डोंगरभागात मोठ्या प्रमानवर रानडुकर मोठ्या प्रमाणात आहेत. त्यांची संख्या वाढत आहेत. आता ते मानवी वावर असलेल्या भागात येत आहेत. 
याबाबत पोलादपूर वनपरिमंडळ अधिकारी श्‍याम गुजर यांनी सांगितले की, दिवील येथील घटनेचा वन विभागाकडून पंचनामा करण्यात आला आहे. हल्ल्यात जखमी झालेल्या व्यक्तींना शासकीय नियमानुसार नुकसान भरपाई दिली जाईल. ग्रामस्थांनी जंगलामध्ये लाकूडफाटा गोळा करण्यासाठी जाऊ नये असे अहवान केले.