मुंबई : संपूर्ण जग सध्या कोरोनाच्या संकटाशी झुंज देत आहे. या संकटावर मात करण्यासाठी डॉक्टर, आरोग्य कर्मचारी आणि वैज्ञानिक सर्वतोपरी प्रयत्न करत आहेत. कोरोनावर लस शोधण्यासाठी कित्येक वैज्ञानिक दिवसरात्र मेहनत करत आहेत. भारतातल्या तब्बल ६ आरोग्य क्षेत्राशी संबंधित कंपन्या कोरोनावर लस तयार करण्याचा प्रयत्न करत आहेत.
भारतातल्या काही कंपन्या अमेरिकेच्या काही कंपन्यांसोबत मिळून कोरोनावरची लस तयार करण्याचं काम करत आहेत. गेल्या ३ दशकांपासून भारत अमेरिका हे देश मिळून काही रोगांवर लस बनवण्याचं काम करत आहेत. डेंग्यू, इन्फ्लुएंझा, टीबी यासारख्या रोगांवर या दोन देशांनी मिळून लस तयार केली आहे. त्यामुळे आता कोरोना व्हायरसवरही लस बनवण्याचं काम हे दोन देश मिळून करत आहेत.
भारतानं आतापर्यंत अनेक रोगांवर लस तयार करण्याचं काम केलं आहे. तसंच भारत जेनेरिक औषधांचं उत्पादनही मोठ्या प्रमाणावर होतं. आतापर्यंत अनेक साथीच्या रोगांवर लस तयार कारण्याचं काम अनेक भारतीय कंपन्यांनी केलं आहे. याच कंपन्या आता कोरोनावरही लस तयार करत आहेत.
पुण्यात असलेली सिरम इंस्टिट्यूट ऑफ इंडिया नावाची कंपनी सध्या कोरोनावर लस तयार करण्याचा प्रयत्न करत आहे. ही कंपनी जगातली सर्वात मोठी अनेक रोगांवरच्या लस पुरवणारी कंपनी आहे. हि कंपनी ५३ वर्ष जुनी आहे. या कंपनीनं आतार्यंत २० प्रकारच्या निरनिराळ्या रोगांच्या लस तयार केल्या आहेत. आता ही कंपनी कोडजेनिक्स नावाच्या एका अमेरिकेच्या बायोटेक कंपनीसोबत मिळून व्हायरसचा सामान करू शकणारी लस बनवण्याचा प्रयत्न करत आहे.
सिरम इंस्टीट्यूट ऑक्सफर्ड युनिव्हर्सिटीसोबत मिळूनही कोरोनावर लस शोधत आहे. ऑक्सफर्ड युनिव्हर्सिटीकडून घेण्यात आलेला कोरोनाच्या लसीचा प्रयोग समाधानकारक ठरला आहे. त्यामुळे सप्टेंबर महिन्यापर्यंत ही लस मुबलक प्रमाणात तयार करण्याचा प्रयत्न करणार असल्याचं इथल्या वैज्ञानिकांचं म्हणणं आहे.
दरम्यान सिरम इन्स्टिट्यूट या वर्षाच्या अखेरपर्यंत मुबलक पप्रमाणात कोरोनावरची लस तयार करू शकेल असा विश्वास सिरम इंस्टीट्यूटचे संचालक आदर पुनावाला यांनी व्यक्त केला आहे. त्यामुळे कोरोनावरची लस भारतात तयार होऊन शकते. सिरम इंस्टीट्यूटसारख्या अजून ५ कंपन्या इतर देशातील कंपन्यांसोबत मिळून कोरोनावर लस बनवण्याचा प्रयत्न करत आहेत. त्यामुळे या संशोधनातं भारताचं मोठं योगदान असणार आहे यात काहीही शंका नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.