मुंबई : कोरोना संसर्गापासून बचाव करण्यासाठी तुम्ही जर 'स्प्रे सॅनिटायझर'चा वापर करत असाल तर तुम्हाला सावध राहण्याची गरज आहे. कारण या सॅनिटायझरमध्ये ज्वलनशीर पदार्थ असल्याने ते तुमच्यासाठी धोकाडायक आणि जीवघेणे ठरू शकते. अश्या स्प्रे सॅनिटायझरवर बंदी घालण्याची मागणी करण्यात आली आहे.

काय मुंबईकर; टपरीवरचा चहा मिस करताय? मग ही खास बातमी तुमच्यासाठी 

कोरोना संसर्गापासून बचाव करण्यासाठी वेगवेगळ्या सॅनिटायझरचा वापर केला जातोय. सर्वच प्रकारच्या सॅनिटायझरला मोठी मागणी आहे.बाजारात इतर सॅनिटायझरसह आता 'स्प्रे सॅनिटायझर' ही मोठ्या प्रमाणावर उपलब्ध झाले असून त्याला मोठी मागणी आहे. बऱ्याच सॅनिटायझर मध्ये 'इथाईल अल्कोहोल'चा वापर केला असतो. 'इथाईल अल्कोहोल' हा ज्वलनशील पदार्थ आहे. त्यामुळे याचा वापर धोकादायक आणि जीवघेणा ठरण्याची भीती व्यक्त करण्यात येत आहे.

अधिकारात नसताना काढले अनधिकृत परिपत्रक; 'एसटी' महाव्यवस्थापकाचा 'महागैरकारभार' चव्हाट्यावर!

कोरोना संसर्गापासून काळजी घेण्यासाठी 'सॅनिटायझर' वापरण्यास सांगण्यात आले आहे. वाढत्या मागणीमुळे सॅनिटायझर खप मोठ्या प्रमाणावर वाढला आहे. मुंबईत दिवसाला 5 लाखाहून अधिक लोक सॅनिटायझरची मागणी करत आहेत.  हात स्वच्छ करण्यासोबतच वस्तू स्वच्छ करण्यासाठी देखील सॅनिटायझरचा वापर करण्यात येतोय. यासाठी 'स्प्रे सॅनिटायझर'ची मागणी वाढली आहे. 'स्प्रे सॅनिटायझर'च्या धोक्याविषयी मात्र लोकं अनभिज्ञ आहेत.

मुंबईकरांनो खबरदारी बाळगा, कोरोनानंतर 'या' संकटाचा सामना करा...

ऑल फूड ऍण्ड ड्रग्स लायसेन्स होल्डर फाउंडेशनने 'स्प्रे सॅनिटायझर'च्या विक्रीला विरोध केला आहे. 'स्प्रे सॅनिटायझर'मध्ये 'इथाईल अल्कोहोल' हा ज्वलनशील पदार्थ असल्याने घरगुती वापरासाठी ते धोकादायक ठरू शकते. या धोक्याबाबत किंवा त्याच्या वापराबाबत ग्राहकांना पुरेशी माहिती नाही. त्यामुळे 'स्प्रे सॅनिटाईजर' वापरतांना अनर्थ होण्याची शक्यता नाकारता येत नाही. त्यामुळे या सॅनिटायझरवर बंदी घालण्याची मागणी ऑल फूड ऍण्ड ड्रग्स लायसेन्स होल्डर फाउंडेशनचे राष्ट्रीय अध्यक्ष अभय पांडे यांनी केली आहे. याबाबत त्यांनी अन्न व औषध प्रशासन तसेच केंद्र व राज्य सरकारच्या आरोग्य विभागाला ही पात्राद्वारे कळवले आहे. तोपर्यंत 'स्प्रे सॅनिटायझर' काळजीपूर्वक हाताळून खबरदारी घेण्याचे आवाहन त्यांनी केले आहे.