मिरा रोड : लॉकडाऊनच्या काळात पालिकेतर्फे गरजूंना दिल्या जाणाऱ्या भोजन वाटपाचे फोटो, व्हिडिओ समाजमाध्यमात प्रसारीत करुन काही राजकीय फायदा घेत आहेत. याबाबत तक्रारी आल्यानंतर पालिका आयुक्त चंद्रकांत डांगे यांनी कारवाईचा इशारा दिला आहे.

मोठी बातमी :  कल्याण-डोंबिवलीकरांच्या चिंतेत भर, 'हे' आहे कोरोनाचे 10 'हॉटस्पॉट'

मिरा-भाईंदर महानगरपालिकेने शहरातील गरजू नागरिकांना भोजन मिळावे म्हणून चार कम्युनिटी किचन व 34 भोजन केंद्रे सुरू केली आहेत. दरम्यान यामध्ये काहीजण गरजूंना भोजन करतानाचे फोटो, व्हिडिओ समाजमाध्यमात प्रसारीत करत आहेत. त्यामुळे अनावश्यक गर्दी होत असल्याचे लक्षात आल्याने कारवाई करण्याचा इशारा पालिका आयुक्त चंद्रकांत डांगे यांनी दिला आहे. 

हे ही वाचा : पालिकेच्या कोरोना सर्व्हेमुळे शेजारी पाहतायेत एकमेकांकडे संशयाने

दरम्यान भोजन वितरण केंद्रावर कोणत्याही संस्था तसेच राजकीय पक्षांनी आपली बॅनरबाजी करू नये अशी सक्त ताकीद देण्यात आली आहे. तसेच भोजन वाटपाचे फोटो अथवा व्हिडिओ टाकल्यास भारतीय दंडविधान 1860 चे कलम 188 नुसार कारवाई करण्याचा इशारा पालिका आयुक्तांनी दिला आहे.

महत्वाची बातमी : लॉकडाऊन : रानमेवा विकून चरितार्थ चालवणाऱ्या आदिवासी बांधवांची दैना, सरकार लक्ष घालणार?

पेणकरपाडा मराठी शाळा क्रमांक 14 याठिकाणी गरजूंना भोजन दिले जात आहे. प्रभागातील नगरसेविका अनिता पाटील यांच्या कार्यकर्त्यांमार्फत मात्र लोकांची दिशाभूल करत भोजन नगरसेविका पाटील यांच्यामार्फत दिले जात असल्याचे सांगितले जाते, अशी तक्रार नगरसेवक परशुराम म्हात्रे यांनी केली आहे. त्यांनी याबाबत पालिका आयुक्त चंद्रकांत डांगे तसेच प्रभाग अधिकारी चंद्रकांत बोरसे यांना निवेदन दिले आहे. नगरसेविका पाटील आपल्या मर्जीतील लोकांना भोजन देत असून याप्रकरणी चौकशी करून कारवाईची मागणी म्हात्रे यांनी केली आहे.

don't use community kitchen for publicity read full story