मुंबई, विरार : राज्यात मासेमारी बंदी कालावधी 1 जून ते 31 जुलै असा आहे. या बंदी कालावधीत मासेमारी केल्यास संबंधित संस्था, सभासदांवर कारवाई करून त्यांचा डिझेल कोटा बंद करण्यात येईल, असा इशारा देऊनही पश्चिम किनारपट्टीवर बेकायदा मासेमारी सुरु आहे. अशी तक्रार अखिल महाराष्ट्र मच्छिमार कृती समितीचे कार्याध्यक्ष बर्नड डिमेलो यांनी केली आहे. तसेच याप्रकरणी गुन्हे दाखल करण्याची मागणीदेखील त्यांनी केली आहे.  

मोठी बातमी - कोरोना रुग्णसंख्येत मुंबईने वुहानला मागे सोडले, तर महाराष्ट्र चीनच्याही पुढे
 
पश्चिम किनारपट्टीवरील बंदरातून पावसाळ्यात विना परवाना आणि बंदी आदेश धुडकावून सर्रास मासेमारी केली जात आहे. या बोटींकडे कुठल्याही प्रकारची कागद पत्रे, परवाना नसून याबाबत फिशरीस परवाना अधिकारी व आयुक्त यांना कळवले आहे. या बेकायदा मासेमारीमुळे उत्तनमधील मच्छीमार संस्थेला जाब विचारत आहेत.

मोठी बातमी -  जयंत पाटील यांचं महाराष्ट्राच्या मुख्यमंत्रीपदाबाबत 'मोठं' आणि सूचक विधान, म्हणालेत...

एकतर अनधिकृत मासेमारी थांबवा, अन्यथा आम्हाला परवानगी द्या, अशी मागणी ते करत आहेत. बेकायदा बोटी तत्काळ बंद न केल्यास आम्ही सुद्धा आमच्या बोटी समुद्रात उतरवू, असा इशारा उत्तनच्या मच्छीमारांनी दिला आहे. त्यामुळे आता  फिशरीस अधिकाऱ्यांनी यात लक्ष घालून याची बेकायदा मासेमारी करणाऱ्या बोटी ताब्यात घेऊन साहित्य जप्त करावे. त्यांच्यावर फौजदारी गुन्हे दाखल करावेत, अशी मागणी डिमेलो यांनी पत्राद्वारे केली आहे.

due to illegal fishing fishermen in unnat are aggressive read what are their demand