उल्हासनगर : गॅस वितरण हे अतिआवश्यक सेवेत मोडत असल्याने आपल्याला कुणी थांबवणार नाही, हा विचार करून ठाण्यातील तिघांनी परिवारासह गॅस वितरण कंपनीचा ड्रेस घालून गॅस सिलेंडरच्याच गाडीतून नांदेडला जाण्याची शक्कल उल्हासनगर पोलिसांमुळे फसली. 

मोठी बातमी :  चिंताजनक! मिरा-भाईंदरमध्ये 24 तासात 10 नवे कोरोनाबाधित रुग्ण

ठाणे येथील मानपाडा जवळील चितळसर या ठिकाणी राहणाऱ्या एकाच परिवारातील महिला, पुरुष, व लहान मुल असे 15 ते 20 जण लॉकडाऊन वाढल्याने व अन्नधान्याच्या कमतरतेमुळे आपल्या गांवी नांदेड येथे जाण्याची तयारी केली. त्यातील तिघे जण हे गॅस वितरण करण्याचे काम करत होते. पोलिसांनी आपल्याला अडवू नये यासाठी तिघांनी “नामी शक्कल” लढवत अत्यावश्यक सेवा असणाऱ्या घरगुती गॅस वितरणाचा ड्रेस घातला आणि गॅसच्या सिलेंडरची वाहतूक करणाऱ्या अँपे रिक्षाच्या बनवलेल्या कॅबिनमध्ये परिवाराला बसवून नांदेड येथे निघाले. 

हे ही वाचा : BLOG - 'कंटेजियन' ९ वर्षांपूर्वीच बनलेला 'कोरोना'वर आधारित हुबेहुब चित्रपट....

ठाण्यावरून सकाळी 5 वाजण्याच्या सुमारास निघाल्यावर गॅस वितरणाची गाडी बघून त्यांना कोणत्याही चेकपोस्टवर पोलिसांनी चेक करण्यासाठी थांबवले नाही. पण ही गाडी सकाळी 6 वाजता उल्हासनगरात शहाड ब्रिज वरून खाली उतरत असताना उल्हासनगर पोलिसांना गाडी चालक व सिलेंडर गाडीवर संशय आल्याने त्यांनी गाडी थांबवून तपासणी केली. यावेळी त्यांनी ठाण्यावरुन आलो आहोत व गावी नांदेड जात असल्याचे सांगितले. पोलिसांनी त्यांना समज देऊन पुन्हा माघारी ठाण्याला पाठवले.

During lockdown, youngstars wearing a gas dispenser dress for going their hometown