कल्याण : कल्याण-डोंबिवली महापालिका परिवहन (केडीएमटी) समिती सभापती निवडणुकीचा कार्यक्रम तांत्रिक कारणास्तव पुढे ढकलण्यात आला आहे. या सभापती पदाची निवडणूक सोमवारी होणार होती. आता तांत्रिक कारणाने निवडणूक घोषित करण्याचा कार्यक्रम पुढे ढकलला आल्याने सभापतीपदाला मुहूर्त कधी मिळणार, असा सवाल विचारला जात आहे.

क्लिक करा : केडीएमसी निवडणुकीचे पडघम; समस्या त्याच, उमेदवारांसाठी आता जनतेचा जाहीरनामा

कल्याण-डोंबिवली महापालिका परिवहन समिती सभापती मनोज चौधरी यांचा कालावधी संपल्याने सभापती पदाची निवडणूक फेब्रुवारी-मार्च महिन्यात होणार होती. मात्र कोरोनाचा प्रादुर्भाव वाढल्याने ही निवडणूक पुढे ढकलण्यात आली होती. मधल्या काळात कोकण विभाग आयुक्तांनी ऑनलाईन निवडणूक घेण्यास परवानगी देत पिठासीन अधिकारी म्हणून पालघर जिल्हाधिकारी डॉ. माणिक गुरसळ यांची नेमणूक केली होती. 

निवडणूक ऑन लाईन होणार असल्याने पालिका सचिव संजय जाधव यांनी ऑनलाईन प्रात्यक्षिकही घेतले होते. त्यानुसार सोमवारी (ता. 5) परिवहन समिती सभापती निवडणूक कार्यक्रम घोषित होणे अपेक्षित होते. मात्र तांत्रिक कारणास्तव निवडणूक कार्यक्रम पुढे ढकलण्यात आल्याचे समजते. 

क्लिक करा : 90च्या दशकातील शिवसेना नगरसेवकांमध्ये नाराजी; पालिकेत महत्त्वाचे स्थान नाही

इच्छुकांमध्ये नाराजी 
परिवहन समितीमध्ये शिवसेना-भाजपा युती असून सभापती पद एक-एक वर्ष दोन्ही पक्षाने वाटून घेतले होते. शिवसेनेचे सभापती मनोज चौधरी यांचा एक वर्षाचा कालावधी संपल्याने हे पद भाजपकडे जाणार होते. समितीमधील पक्षीय बलाबल पाहता भाजपचे पारडे जड होते. जो कोणी सभापती पद घेईल त्याला पाच महिन्यांचा कालावधी मिळणार होता. फेबुवारी आणि मार्च 2021 मध्ये अनेक सदस्य निवृत्तही होणार होते. मात्र, निवडणूक पुढे ढकलण्यात आल्याने इच्छुकांमध्ये नाराजी पसरली आहे. 

-------------------------
(संपादन : प्रणीत पवार)