मुंबई :  लॉकडाउनमुळे विद्यार्थ्यांचे शैक्षणिक नुकसान होऊ नये यासाठी विद्यापीठ अनुदान आयोगाने मार्गदर्शक तत्वे जाहीर केली आहेत. त्याप्रमाणे राज्य सरकारनेही पदवीच्या अंतिम सत्राची परीक्षा घेण्याचा निर्णय घेतला आहे. आता इंजिनीअरिंग, डिप्लोमाच्या शेवटच्या सत्राची परीक्षा घेण्याचा, महत्त्वपूर्ण निर्णय महाराष्ट्र राज्य तंत्र शिक्षण मंडळाने घेतला आहे. 

ही बातमी वाचली का? रुग्णवाहिका चालकांकडून रुग्णांची लूटमार; मुख्यमंत्र्यांकडे तक्रार

सर्व पदविका अभ्यासक्रमांच्या अंतिम सत्राची परीक्षा घेण्याचा निर्णय मंडळाने शुक्रवारी झालेल्या बैठकीत घेतला. सहा सत्राच्या इंजिनीअरिंग पदविका अभ्यासक्रमाच्या विद्यार्थ्यांची सहाव्या सत्राची तर दोन वर्षांच्या औषधनिर्माणशास्त्र अभ्यासक्रमाची दुसऱ्या वर्षाची परीक्षा घेण्यात येणार आहे. तीन वर्षाच्या मायनिंग अभ्यासक्रमाची तृतीय वर्षाची तर आठ सत्रांच्या अर्धवेळ अभ्यासक्रमाची आठव्या सत्राची परीक्षा घेण्यात येईल. या सर्व परीक्षांचे आयोजन 9 जुलै पासून पुढे करण्यात येणार आहे. या परीक्षांचे वेळापत्रक मंडळाच्या वेबसाइटवर जाहीर करण्यात येईल. 

ही बातमी वाचली का? कोरोनाचा कहर! महापालिका मुख्यालयातील ९ कर्र्मचारी पॉझिटिव्ह

याचबरोबर या आधीच्या सत्राच्या विद्यार्थ्यांची परीक्षा न होता त्यांना सम सत्रातील अथवा अंतर्गत मूल्यमापन करून गुण दिले जाणार आहेत. तर औषधनिर्माणशास्त्र अभ्यासक्रमातील टीएमचे गुण मुल्यांकन फक्त प्रथम व द्वितीय चाचणी परीक्षेच्या आधारे करण्यात येईल. यासाठीही 50:50 चे सूत्र वापरण्यात येईल. यात लगतच्या आधी एका सत्राचे 50 टक्के गुणांच्या अधारावर आणि ज्या सत्राचे निकाल जाहीर करायाचा आहे, त्याच्या 50 टक्के अंतर्गत गुणाच्या अधारावर गुण देऊन निकाल जाहीर करण्यात येईल असाही निर्णय घेण्यात आला. तसेच लॉकडाउनचा कालावधी विद्यार्थ्यांची उपस्थिती ग्राह्य धरण्यात येणार आहे. 

ही बातमी वाचली का? कोरोनामुळे कुपोषणात होणार वाढ; जागतिक पोषण अहवालात इशारा

शैक्षणिक वर्षाचे अंदाजित वेळापत्रक

• तंत्रनिकेतन संस्था सुरू होणार - 15 जून
• परीक्षा पूर्व कामे - 30 जून
• अंतर्गत परीक्षांचे आयोजन - 1 ते 8 जुलै
• अंतिम परीक्षांचे आयोजन - 9 जुलैपासून पुढे
• निकाल जाहीर होणार - ऑगस्टचे प्रथम वर्ष

2020-21 शैक्षणिक वर्ष द्वितीय वर्षापुढील डिप्लोमा - 1 ऑगस्ट
2020-21 शैक्षणिक वर्ष प्रथम वर्ष डिप्लोमा - 1 सप्टेंबर