मुंबई, ता. 5 : फेक टीआरपी (Fake TRP ) प्रकरणातील तक्रारदार हंसा रिसर्च ग्रुप प्रायव्हेट लिमिटेडने मुंबई पोलिसांवर आरोप केले असून तपास सीबीआय किंवा अन्य यंत्रणेकडे वर्ग करण्याची मागणी मुंबई उच्च न्यायालयात याचिकेद्वारे केली आहे. 

हेही वाचा : दिवाळीत फटाके फोडाल तर तुरुंगात जाल, मुंबईसह राज्यात निर्बंध येण्याची शक्यता

रिपब्लिक टीव्हीवर आरोप करण्यासाठी पोलिसांच्या गुन्हे शाखेकडून दबाव येत आहे, असा आरोप याचिकेत करण्यात आला आहे. तसेच हंसाकडून देण्यात आलेला रिपब्लिक संबंधित एक अहवाल अमान्य करण्याची मागणी पोलिस करत आहेत आणि त्यासाठी वारंवार हंसाचे अधिकारी, कर्मचाऱ्यांचा मानसिक छळ करीत आहे, असा दावा केला आहे.

हेही वाचा : पालिकेकडून ज्येष्ठ नागरिक बेदखल, पुन्हा तक्रारची दखल घेणार नसल्याचे गर्विष्ठ उत्तर

यामध्ये मुंबई पोलिस आयुक्तांसह अन्य अधिकाऱ्यांचा उल्लेख याचिकेत केला आहे. न्या एस एस शिंदे आणि न्या एम एस कर्णिक यांच्या खंडपीठापुढे या याचिकेवर आज सुनावणी झाली. तर पुढील सुनावणी याच महिन्याच्या 25 तारखेला  रोजी होणार आहे. अद्याप या प्रकरणात अर्णब गोस्वामी यांच्यावर गुन्हा दाखल केला गेला नाही, असे यापूर्वी पोलिसांकडून सांगण्यात आले आहे. 

हेही वाचा : फसवणूकीचे 71 लाख कसिनोमध्ये जुगारात उडवले, आरोपी अटकेत

पैसे देऊन कृत्रिम पद्धतीने टीआरपी वाढविण्यात आला असा आरोप पोलिसांनी तक्रारीत केला आहे. याप्रकरणी अन्य काही चॅनल्सचीही चौकशी सुरू आहे.

fake TRP case hansa research group filed petition against mumbai police