वसई : वसई-विरार महापालिकेच्या कार्यक्षेत्रात कोरोना विषाणुंचा संसर्ग दिवसेंदिवस वाढत आहे. प्रतिबंधात्मक उपाययोजना करण्यासाठी नव्याने चार खासगी रुग्णालयांना कोरोना उपचार करण्याबाबत सूचना पालिका प्रशासनाने दिल्या आहेत. वसई-विरारमध्ये अडीच हजार कोरोनाबाधित झाले. यातील सुमारे हजार रुग्ण इस्पितळात उपचार घेत आहेत.

BIG NEWS - मुंबईतील परिस्थिती नक्की कशी आहे? जाणून घ्या डॉ. ओक यांच्याकडून...

कोरोनाचा प्रादुर्भाव वाढत असल्याने या आधी वसई-विरार महापालिकेच्या रिंद्धी-सिद्धी विनायक, गोल्डन पार्क, विनायक, विजय वल्लभ, स्टार या पाच रुग्णालयांत कोव्हिडनुसार राखीव खाटा ठेवण्यात आल्या आहेत, तर आता नव्याने वसई रेंजऑफिस येथील प्लॅटिनम, एव्हरशाईन भागातील आयएसआयएस , जनसेवा हेल्थकेअर, बाभोळा आणि विरार पूर्वेकडील चंदनासार येथील वेलक्युअर या 4 खासगी रुग्णालयात स्वखर्चाने उपचार घेता येणार आहेत, मात्र रुग्णालयाने सरकारने निश्चित केलेल्या दरानुसार कोरोना उपचारासाठी सोय करून द्यावी, अशा सूचना वसई-विरार महापालिका प्रशासनाने केल्या आहेत.

BIG NEWS - ठाणे महापालिका आयुक्तांचीही तडकाफडकी बदली! वाचा, नवे आयुक्त कोण आहेत ते?

काही तक्रारी आढळल्यास कोरोना कंट्रोल युनिट 0250 - 2334546 / 23345467 या क्रमांकावर संपर्क साधावा, असे आवाहन महापालिकेचे आयुक्त गंगाथरन डी. यांनी केले आहे.

Four private hospitals for covid treatment in vasai municipal area