मनोर : येथील वृद्धाश्रमातील एका वयोवृद्ध महिलेचा रुग्णालयात शनिवारी (ता. 4) मृत्यू झाला. लॉकडाऊनमुळे अंत्यसंस्कारासाठी तिचा मृतदेह मुंबईला घेऊन जाणे शक्‍य नसल्याने मनोरमधील मुस्लिमांनी पुढाकार घेऊन मुलाच्या उपस्थितीत तिच्या पार्थिवावर अंत्यसंस्कार केले. सर्वधर्मसमभाव जपणाऱ्या या नागरिकांचे कौतुक होत आहे.
महामार्गावरील वृद्धाश्रमातील संध्या बिनसाळे ( 89) या वृद्ध महिलेला उपचारासाठी मनोर येथील आस्था हॉस्पिटलमध्ये शुक्रवारी सायंकाळी दाखल करण्यात आले होते. उपचारादरम्यान तिचा शनिवारी मृत्यू झाला. याबाबत माहिती मिळाल्यानंतर तिचा मुलगा प्रकाश बिनसाळे हा मुंबईहून मनोरला पोहोचला, परंतु लॉकडाऊनमुळे मृतदेह मुंबईला नेणे शक्‍य नसल्याने मनोरलाच अंत्यसंस्कार करण्याचा निर्णय घेतला होता. या वेळी मनोरचे सामाजिक कार्यकर्ते आणि रुग्णवाहिका चालक बिलाल रईस, बिलाल खतीब, फुरकान खतीब, रयान दळवी, फरहान दळवी आणि युसूफ मेमन आदींच्या मदतीने हात नदीवरील स्मशानभूमीत तिच्यावर हिंदू रीतिरिवाजानुसार अंत्यसंस्कार केले. देश कठीण परिस्थितीतून जात असताना मनोरच्या मुस्लिमांनी दाखवलेल्या सामाजिक बांधिलकीमुळे सर्वत्र कौतुक होत आहे.
देशव्यापी लॉकडाऊनमुळे वृद्ध महिलेचा मृतदेह मुंबईला नेणे शक्‍य नसल्याने मनोरला अंत्यसंस्कार करण्याचा निर्णय घेण्यात आला. मृत महिलेच्या मुलाने संपर्क साधला होता. सामाजिक बांधिलकी आणि माणुसकीच्या नात्याने अंत्यसंस्कार करण्यासाठी मानोरमधील मुस्लिमांनी पुढाकार घेतला. आवश्‍यक परवानग्या घेऊन अंत्यसंस्कार केले.
- बिलाल रईस, सामाजिक कार्यकर्ते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.