मुंबई : सीबीएसई मंडळाचा दहावीचा निकाल बुधवारी (ता.15) दुपारी ऑनलाईन जाहीर करण्यात आला आहे. या परीक्षेतही मुलांच्या तुलनेत मुलींनी बाजी मारली आहे. मुलांच्या तुलनेत मुलींचा निकाल 3.17 टक्क्यांनी अधिक आहे.
देशभरातून 18 लाख 73 हजार 15 विद्यार्थांनी परीक्षा दिली होती. त्यापैकी 17 लाख 13 हजार 121 विद्यार्थी उत्तीर्ण झाले आहेत. या निकालात त्रिवेंद्रम विभागाने बाजी मारली आहे. या विभागाचा निकाल 99.28 टक्के लागला आहे. तर पुणे विभागाचा निकाल 98.23 टक्के लागला आहे.मंडळाने 15 फेब्रुवारी ते 20 मार्च या कालावधीत देशातील 5 हजार 77 परीक्षा केंद्रांवर ही परीक्षा घेतली. निकालात 93.31 टक्के मुली उत्तीर्ण झाल्या आहेत. तर 90.14 टक्के मुले उत्तीर्ण झाली आहेत.
देशातील 1 लाख 84 हजार 358 विद्यार्थ्यांनी 90 टक्क्यांहून अधिक गुण प्राप्त केले आहेत. गेल्या वर्षीच्या तुलनेत यंदा निकालात अत्यल्प म्हणजे 0.36 टक्के वाढ झाली आहे. सीबीएसईच्या cbseresults.nic.in या संकेतस्थळावर विद्यार्थ्यांना निकाल पाहता येणार आहे. तसेच अॅपच्या माध्यमातूनही विद्यार्थ्यांना निकाल समजू शकणार अाहे.
मोठी बातमी : २६ जुलैपासून सुरु होणार अकरावी ऑनलाईन प्रवेश प्रक्रिया, 'असे' आहेत प्रवेशासाठीचे तीन टप्पे
गुणवंतांचा टक्का घसरला
गत वर्षी 95 टक्केहून अधिक गुण मिळालेल्या विद्यार्थांची संख्या 57 हजार 256 होती. यंदाच्या निकालात यामध्ये घट झाली आहे. यावर्षी 41 हजार 804 विद्यार्थांना 95 टक्केहून अधिक गुण मिळाले आहेत. एकूण निकालात या विद्यार्थ्यांची 2.23 टक्के संख्या आहे. त्याचप्रमाणे गत वर्षी 90 टक्केहून अधिक गुण 2 लाख 25 हजार 143 विद्यार्थांनी मिळवले होते. यंदा या विद्यार्थ्यांच्या टक्केवारीत मोठी घसरण झाली आहे. यंदा 1 लाख 84 हजार 358 विद्यार्थांना 90 टक्केहून अधिक गुण मिळाले आहेत.
---
संपादन : ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.