दिवसरात्र सोबत असणारा स्मार्टफोन आपल्या जिवनाचा अविभाज्य भाग बनला आहे. स्मार्टफोनमुळे आपण असंख्य लोकांच्या संपर्कात राहतो. त्यामुळे यावेळी दिवसभर संभाषण करताना अनेक इमोजी वापरत असतो. संभाषण करताना इमोजींचा वापर केल्यास त्याचा अनुभव आनंददायी असतो. त्यामुळे तुमचा आनंद द्विगुणीत करण्यासाठी गुगलने नवं फीचर आणलं आहे. या फीचरला "इमोजी किचन" असे नाव देण्यात आले आहे. 

हेही वाचा - चाणक्य कोण? अमित शहांनी दिलं हे उत्तर

आपण दिवसभर आपल्या वेगवेगळ्या मेसेंजरद्वारे मित्रमैत्रिणींशी गप्पा मारत असताना भरपूर इमोजींचा वापर करतो. अनेकांना तर प्रत्येक प्रत्येक मेसेजमध्ये इमोजी वापरण्याची सवय असते. त्याने गप्पा रंगतदार होत असतात. त्यामुळे गुगलने तुमच्यासाठी विशेष फीचर सुरू केलं आहे. या फीचर द्वारे तुम्ही तुमच्या आवडीचे इमोजी कस्टमाइज करू शकता. यामध्ये तुम्हाला आवडणारे एकापेक्षा जास्त इमोजी तुम्ही मर्ज करु शकता. हे फीचर वापरण्यासाठी तुम्हाला प्ले स्टोअरमध्ये जाऊन जी बोर्ड अपडेट करावे लागणार आहे. एकदा जी बोर्ड अपडेट झाले की,  तुम्ही या नव्या फीचरचा आनंद घेऊ शकता. मेसेज करताना त्या त्या परिस्थितीनुसार इमोजीचा वापर केल्या संवादाचा आनंद अधिक वाढतो. हे अपडेट आयओेएस, अन्ड्राईड या ऑपरेटिंग सिस्टीम वर उपलब्ध आहेत.

चंद्रकांत पाटील म्हणतात, शरद पवारांवर पीएचडी करायचीये