मुंबई : मराठा आरक्षणासंदर्भात राज्य शासनानं नोटिफिकेशन काढलं आहे. याविरोधात आता अॅड. गुणरत्न सदावर्ते हे हायकोर्टात याचिका दाखल करणार आहेत. माध्यमांशी बोलताना त्यांनी आपली भूमिका स्पष्ट केली. तसेच या याचिकेत कुठले मुद्दे असतील याबाबतही त्यांनी महत्वाची माहिती दिली आहे. (Gunaratna Sadavarte announces he will go to HC against the notification of Maratha reservation)

EWS च्या आरक्षणापासून वंचित ठेवण्याचा डाव

सदावर्ते म्हणाले, माझे मराठा भाऊ जे ईडब्ल्यूएसच्या आरक्षणाचे लाभार्थी आहेत त्यांना त्यापासून वंचित करण्यासाठी उभारलेलं आंदोलन होतं, असं मी मानतो. परंतू आज सरकारनं काढलेलं नोटिफिकेशन आपण पाहिलं तर ती केवळ नोटीस आहे. त्यामुळं एकूण सर्व बाबींना सोबत घेऊन लवकरात लवकर हायकोर्टाचं दार ठोठावण्यात येईल. (Latest Marathi News)

याचिकेत 'या' बाबींचा असणार समावेश

सदावर्तेंनी हायकोर्टात जाणार असल्याचं सांगताना याचिकेत कुठल्या बाबींचा समावेश असेल याचीही थोडक्यात माहिती दिली. यामध्ये मराठा आरक्षणासाठी मागास आयोगाचं जे काम सुरु आहे त्यापासून आरक्षणाच्या अधिकाऱ्यांच्या रक्षणापर्यंतच्या बाबींचा उल्लेख असेल असं अॅड. गुणरत्न सदावर्ते यांनी म्हटलं आहे.