राज्यात विनयभंगाच्या प्रकरणात मोठी वाढ झालीय. परळच्या केईएम रुग्णालयात (Parel KEM Hospital) एक धक्कादायक प्रकार समोर आलाय. येथे एका अल्पवयीन मुलीचा विनयभंग केला असून अनोळखी व्यक्तीविरोधात भोईवाडा पोलिस ठाण्यात (Bhoiwada Police Station) गुन्हा दाखल करण्यात आलाय.

मिळालेल्या माहितीनुसार, 17 वर्षीय अल्पवयीन मुलीच्या आईवर परळच्या केईएम रुग्णालयात अनेक दिवसांपासून उपचार सुरू आहेत. दरम्यान, गुरूवारी मध्यरात्री पीडित मुलगी ही जुनी ओपीडी क्र. १०१ येथे मागील ड्रेसिंग विभागाजवळ उभी असताना अनोळखी व्यक्तीनं तिला मागून येऊन मिठी मारत अश्लील शेरेबाजी केली.

यावेळी घाबरलेल्या मुलीनं आरोपीच्या तावडीतून स्वत:ची सुटका करत, वार्डच्या दिशेनं मदतीसाठी धाव घेतली. घटनास्थळी सीसीटिव्ही नसल्यानं आरोपीची अद्याप ओळख पटलेली नसून भोईवाडा पोलिस (Bhoiwada Police) आरोपीचा शोध घेत आहेत.