Amit Shah in Mumbai

मुंबई- केंद्रीय गृहमंत्री अमित शाह मुंबई दौऱ्यावर आहेत. यावेळी मुंबई विद्यापीठाच्या कार्यक्रमात बोलताना त्यांनी माजी आरएसएस प्रचारक लक्ष्मणराव इनामदार यांच्या आठवणींना उजाळा दिला. लक्ष्मणराव पारसमणी होते असा गौरवोद्वार त्यांनी काढला. मुख्यमंत्री एकनाथ शिंदे यांनीही यावेळी भाषण केलं. यावेळी त्यांनी केलेल्या भाषणाची चर्चा रंगू लागली आहे.

एकनाथ शिंदे म्हणाले की, 'अमित शहा यांना एक कणखर नेता म्हणून आपण त्यांच्याकडे पाहतो. पण, अमित शहा किती कणखर आहेत याचा अनुभव मला जास्त आहे. जी काही राज्यात वर्षभरात क्रांती झाली त्यात..त्यामुळे म्हणतो मला त्यांचा जास्त अनुभव आहे.' या भाषणावेळी एकनाथ शिंदे आणि अमित शाह ऐकमेकांकडे पाहून हसल्याचं पाहायला मिळालं.

एकनाथ शिंदे यांच्या या संभाषणामुळे महाराष्ट्रात जी उलथापालथ झाली, यामागे अमित शहा हे खरे सूत्रधार असल्याचं बोललं जात आहे. एकनाथ शिंदे म्हणाले की, त्यावेळी रात्री अपरात्री बैठका व्हायच्या. अमित शाह यांनी एकदा शब्द दिला की तो दिलाच. इतिहास वाचायचा नसतो इतिहास घडवायचा असतो असं अमित भाईंचं म्हणणं असतं.'

एकनाथ शिंदे यांनी शिवसेनेतून फुटून वेगळी वाट धरली होती. त्यांच्यासोबत ४० आमदार आले होते. महाराष्ट्राच्या राजकारणातील ही मोठी घडामोड होती. शिंदेंच्या आमदारांना गुवाहाटी येथे हॉटेलमध्ये ठेवण्यात आलं होतं. शिवसेनेच्या बंडामागे अमित शहा यांचा हात होता, अशी शेट कबुली एकनाथ शिंदे यांनी दिल्याचं बोललं जातंय.

लक्ष्मणराव इनामदार हे पंतप्रधान मोदींचे गुरू होते तर अमित शाह यांचे देखिल ते मार्गदर्शक होते. अमित शहा म्हणजे मोदींची सावली आहेत. लक्ष्मणराव इनामदार हे महाराष्ट्र आणि गुजरात मधील एक दुवा होते, असं एकनाथ शिंदे म्हणाले. (Latest Marathi News)