नालासोपारा - विरार येथील म्हाडा कॉलनीमध्ये 8 कुत्र्यांच्या पिल्लांना विष देऊन मारल्याचे; तसेच 22 पिल्लांना झाडीत फेकून दिल्याची घटना उघडकीस आली आहे. ही घटना "ऍनिमल वेल्फेअर बोर्ड ऑफ इंडिया'चे पालघर जिल्हा ऑफिसर मितेश जैन यांना समजल्यानंतर त्यांनी घटनास्थळी जाऊन पाहणी करून पोलिसांत फिर्याद दिली. त्यानुसार तीन जणांवर अर्नाळा पोलिस ठाण्यात बुधवारी (ता. 29) गुन्हा दाखल केला आहे. या प्रकरणी अर्नाळा पोलिस अधिक तपास करीत आहेत.

महत्त्वाची बातमी - मालामाल होण्याची सुवर्णसंधी, फक्त मगरीच्या गळ्यातला टायर काढा..

शिक्षकाच्या सांगण्यावरून कृत्य? 

मितेश जैन आणि डॉक्‍टरने तेथील भोला शास्त्री, पप्पू पासवान, रवी वर्मा यांच्याकडे विचारपूस केली असता म्हाडा कॉलनी येथील एका शिक्षकाच्या सांगण्यावरून हे कृत्य केले असल्याचे समोर आले. त्यानंतर या तिघांवर अर्नाळा पोलिस ठाण्यात गुन्हा दाखल केला आहे. 

या प्रकरणी भोला शास्त्री (सफाई कामगार), पप्पू पासवान (वॉचमन), रवी वर्मा (वॉचमन) अशी गुन्हा दाखल झालेल्या व्यक्तींची नावे आहेत. हे सर्व जण विरार पश्‍चिम म्हाडा बिल्डिंग नंबर 13 मध्ये कार्यरत आहेत. बुधवारी (ता.29) रात्री 10 वाजण्याच्या सुमारास म्हाडा कॉलनी परिसरात आठ कुत्र्यांच्या पिल्लांचा मृत्यू; तर 22 पेक्षा जास्त कुत्र्यांची ल्ल्लिे बेपत्ता असल्याची माहिती कुणाल घाटे यांनी मितेश जैन यांना दिली होती.

महत्त्वाची बातमी - रेशन कार्ड 'आधार'ला जोडा, अन्यथा...

जैन यांनी घटनास्थळावर जाऊन पाहणी केली असता 8 कुत्र्याची पिल्ले मृतावस्थेत आढळून आली; तर 22 पिल्ले बाजूच्या झाडाझुडपांमध्ये फेकून दिल्याचे त्यांना समजले. 22 पैकी तीन जखमी पिल्लाना जैन यांनी तत्काळ त्यांच्या विरार येथील करुणा ट्रस्टच्या डॉक्‍टरला बोलावून त्यांच्यावर उपचार करून सुरक्षित स्थळी पोहोचविले. 

horrible poisoning to dogs in nalasopara further investigation is in process